ياليل ياليل ياطيب السوالف فيـك ياليـل=بالذات لاسقتها في وقتها والجو صافي
شبيت ناري وبني حامسه جوف المعاميل=وأبا المعاني تجيني كايفه والكيف وافي

ياليل ياليل نبغها هذا الليله تهاويل=وان كان ما اهزم فهد حالف ماقرب من لحافي
من بعد مازان بنك سوق لضيوفك فناجيل=والزرع لابطى من الامطار عرضه للجفافي

ادع الله أنه يفكك من فهد والحط والشيل=وان كان سلمك ربي من فهد فا انت متعافي
تبشر بفنجال خولاني يصحي بارد الحيل=وانته لا تشغل ضميرك ياشهراني لا تخافي

صح بدنك وقلبك يامخلد لاهنت

تراك ياصاحبي تنعد من ضمن المجاهيل=مهما نكبرك بالمجهر صغير ولا تشافي
مابارد الحيل غير الحصني اللي هز بالذيل=مافيه رابط مابين العصي واسيوف(ن) رهافي

من يجهل الناس جاهل والبلا كثر المهابيل=وأنا عتيبي شجيع ولاحسب احساب الهوافي
والذيب ماضاق من هرجك ترى ياساكن اغليل=وانااشهد انك ضعيف ماانت رجال ن سنافي

المعذره على التاخير الاتصال سي للغايه

الجدي واضح مكانه في السماء مع جاره اسهيل=وانا اشهراني وعن هرحتك صايبني عفافي
احسن من اللي جمع كل الدول في داره النيل=ومحد(ن) درا من مراسلهم ولا وين الصحافي

كواكب الله ماتشبهك وتشبه لك ترى الفيل=واضن عقلك عليل وصايبه بعض الخفافي
افعولنا طيبه من ذا القدم حنا حلاحيل=والكل يشهد لنا بفعولنا والقول كافي

المشاركة الأصلية كتبت بواسطة فهد الحصيني (المشاركة 1299621) كواكب الله ماتشبهك وتشبه لك ترى الفيل=واضن عقلك عليل وصايبه بعض الخفافي افعولنا طيبه من ذا القدم حنا حلاحيل=والكل يشهد لنا بفعولنا والقول كافي

هذي فنون الشعر لاهل الشعر والجيش والخيل=وانته نحولك لمهنا وهادي والعيافي
والنعم فيكم ولكن ماتوفون المكاييل=وايضا ليا من حضرنا لازم اتجيب المطافي

الشعر سبكه وحبكه فن لكن المواويل=هي سببت مشكله للشعر حوايها الخلافي
عدل واعدل ويرضينا حكم من لزم المعاديل=ومن يلحقه حق قدم الناس غصب ن عنه يافي

الشعر دمعه يهل وسبته رجل(ن) من هذيل=من بعد ما كان يرتع في نعيم وجو دافي
من حظكم ياعتيبه لو نخليها تساهيل=ماودنا تخسرون اسهمكم اللي في المصافي

عثمان الثبيتي


صح بدنك وقلبك يالغالي


وشهادتك وافيه وانت وافي وشاعر محاوره معروف ،واعجابك يفرحني ويسعدني


تقبل مني جزيل الشكر والتقدير