الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   خطوة للامام يا مرزوق (http://www.otaibah.net/m/showthread.php?t=13865)

فيصل الثبيتي 02-Jul-2005 09:10 PM
خطوة للامام يا مرزوق
 
السلاام عليكم ورحمة الله وبركاته


يا سلامي على روس الرجال الكريمة=من هواجيس شاعر نجدته من ذراعه
منتدانا مجمّـل يا عسى الله يديمه=ما دام ان العتيبي صان كل البضاعه

مرزوق حمدان العتيبي 02-Jul-2005 09:21 PM
الله الله
استلم طال عمرك.
مرحبا يالمسلم ولك حشمه وقيمه = عد ماتنشر الاخبار عبر الاذاعه
منتدانا مشى بالسكّه المستقيمه = عاش من حرّك المركب وزاد اندفاعه

فيصل الثبيتي 03-Jul-2005 12:56 AM
عساك سالم يا مرزوق

مير وين العامودين الخضر ؟ :D

والبقا يالعتيبي .. والنوايا سليمه=والحظيظ الذي يكفيه كنز القناعه
والله اني ما احب اللي يحب الظليمة=ناس ما همها الا يفسدون الزراعه

فيصل المسعودي 03-Jul-2005 02:14 AM



الفيصل



مرزوق



وووووووووووواااااااااااااصلووووااااااا




تحياتي

فيصل الثبيتي 03-Jul-2005 04:24 AM
يا مرحبا يالمسعودي

يعجبني فيك تواصلك وحيوية ردودك

لك مني تحية بعبير الورد الطائفي ... :)

الفيصــــل

ماجد الهذلي 03-Jul-2005 04:40 AM
اقتباس:
المشاركة الأصلية كتبت بواسطة الفيصــــل
عساك سالم يا مرزوق

مير وين العامودين الخضر ؟ :D

والبقا يالعتيبي .. والنوايا سليمه=والحظيظ الذي يكفيه كنز القناعه
والله اني ما احب اللي يحب الظليمة=ناس ما همها الا يفسدون الزراعه
إبداااع

الفيصل كل التقدير والإحترام بدعه ممتازه

وبدايه قويه منك ومن مرزوق

تحياااتي ومتااابع

مرزوق حمدان العتيبي 03-Jul-2005 08:13 AM
لله الله ..
ياسمي المهنّد خل نفسك حكيمه = و إ لزم الصبر دام ان الك فيه استطاعه
رحمة الله قريبه للقلوب الرحيمه = وانت رجال قلبك ممتلي بالشجاعه

فيصل الثبيتي 03-Jul-2005 11:05 PM
استلم لا هنت /

يا محصّل عطية ربّي إلك الحشيمة=لكن اهل القشر دايم تحب الطماعه
اليدين الوحيدة ما تصك القسيمة=قبل ياقف معانا اخواننا امن الرضاعه

فيصل الثبيتي 03-Jul-2005 11:09 PM
اقتباس:
إبداااع

الفيصل كل التقدير والإحترام بدعه ممتازه

وبدايه قويه منك ومن مرزوق

تحياااتي ومتااابع

شاعرنا الكبير ماجد

الإبداع يكمن عندما تخط اناملك ها هنا

يشرفني انّ مااااااجد يتابعني ... :)

لك مني باقة ورد تحمل اعطر تحياتي

الفيصـــل

مرزوق حمدان العتيبي 03-Jul-2005 11:36 PM
الله الله ...
رائع


اليدين المليّه واليدين العديمه = فرقهم مثل فرقك يالطمان لرفاعه
انت رجال ماعندك دعاوي عقيمه = ومن تلكع نبا نقلب عليه اللكاعه

فيصل الثبيتي 04-Jul-2005 02:06 AM
الله اكبــر

استلم استلم /

ما نقلّط عديم الشور عند الوليمة=والا يجلس معانا لو يبا ربع ساعه
شاعر اثبيت جاهم من بوادي حليمة=يصلخ القوم لين اتقول سمع ٍ وطاعه

مرزوق حمدان العتيبي 04-Jul-2005 11:58 AM
...
..
.
ياسلام ياسلام ...

شاعر اثبيت يخسر بالمواقف خصيمه = كفو ياولد عمّي للفعل والسناعه
والقبيله بها اللي يكسبون الغنيمه = العتيبي عن الطولات ماقصر باعه

فيصل الثبيتي 04-Jul-2005 01:13 PM
استلم يا ابو محمد

علّم اللي جلس ودّه تجيه العزيمة=يا نوخذة البحر مركبك زيّن شراعه
الذيابه ذيابه من عصور ٍ قديمة=لكن انته من أيت قسم ينور شعاعه ؟

مرزوق حمدان العتيبي 04-Jul-2005 01:40 PM
...
سالم يالحسام
استلم .....
نعرف اللي على كل الدعاوي صتيمه = وان تحداه وقته مايبين انهزاعه
ونعرف اللي يقلبها سواة البهيمه = عن دروب النذاله ماش عنده مناعه

سرحـــان 04-Jul-2005 08:49 PM
:
D:Dعلى ان ماجا زبده الى هالحين لكن نقول بيض الله وجيهكم وواصلو متابع
تراني احتري الزبده

مطرح البعارين 04-Jul-2005 08:57 PM
واااااااااااصلووووووووووووووووااااااا

متابعين ابداعكم

الى اللقاء / مطرح البعارين

الايداء1 04-Jul-2005 09:45 PM
اقتباس:
المشاركة الأصلية كتبت بواسطة سرحـــان
:
D:Dعلى ان ماجا زبده الى هالحين لكن نقول بيض الله وجيهكم وواصلو متابع
تراني احتري الزبده
الـــــــــــــــزبده تميع هالايام ياسمي الذيب الجو حااااااااااااار وثلاجات التبريد ماتبرد الأ باليل وتميع بالنهار فلابد من وجودزمن أطول الين نلقى الزبده .هههههههههههههههههههه.
أخوك الايداء المورقي

الايداء1 04-Jul-2005 09:47 PM
متابعينكم يالشعار الله يعطيكم القوه لكن لازال مرزوق بالمق.دمه

فيصل الثبيتي 05-Jul-2005 05:36 PM
استلم يا مرزوق

والله اني اباها فالرجال اليتيمه!!=وانت لا تدفن المعنى في بطن المجاعه
انت من يم رابغ والا حول الخريمة؟=كب عنك اللكاعه .. كب عنك المياعه

فيصل الثبيتي 05-Jul-2005 05:39 PM
سرحان

نشكر لك متابعتك

ووجهك ابيض طال عمرك

وما بيني وبينه انت ما تدري به

مع خالص احترامي . . .

الفيصـــل

فيصل الثبيتي 05-Jul-2005 05:40 PM
يا مرحبا يا مطرّح البعارين

متابعتك شرف وشي نعتز به ...

يعطيك العافية . . .

الفيصــل

فيصل الثبيتي 05-Jul-2005 05:43 PM
الايداء 1

اعجبتني خفّة دمك ... !

نشكر قراءتك ...

الفيصـــل

مرزوق حمدان العتيبي 05-Jul-2005 06:01 PM
...
سلمت يالفيصل ...
:)
الفهامه تخصص فالرجال الفهيمه = والغشيم الغشامه منهجه وابتداعه
البري يتهمونه با ارتكاب الجريمه = والسبب منك ياللي جبت فيه الاشاعه

مرزوق حمدان العتيبي 05-Jul-2005 06:04 PM
...
..
.

الجميع تشرفنا بتواجدكم
تسلمون جميعا ً
الايداء مثل ما قال اخوي الفيصل
انت نور الصفحه بروحك الطيبه
واخلاقك ومزحك المحبب مع اخوانك
الف شكر ياغالي لك ولكل من تواصل معنا وتابعنا..

فيصل الثبيتي 06-Jul-2005 06:49 PM
صح لسانك يا ابو محمد

خلووووووووووووووووها
الغشيم امهجورٍ وامهجورٍ كليمة=ما اعجبتنا سلومه.. ما اعجبتنا طباعه
اطرد الفاجر اللي ما يستّر حريمة=اطرده قبل لا تشره عليك الجماعه

مرزوق حمدان العتيبي 07-Jul-2005 09:32 AM
الله الله ..
صح بدنك يالفيصل واستلم....
ماعليّه من الفاجر ولا اعطيه قيمه = ادري انّه نهار الهوش قلبه رعاعه
كيف ابزعل وانا اللي ماسك اخطام ريمه= يوم غيري يدوّر عند عمّه شفاعه

فيصل الثبيتي 08-Jul-2005 01:35 AM
هههههههههه

السموحه بالغلط ضغطنا على

* اعتمد الرد السريع *

نبا نركب الابيات ونعوّد إلكم

الفيصـــل

فيصل الثبيتي 08-Jul-2005 01:48 AM
سالم يا مرزوق

بيني وبينك قاف .. قيمة.. سرا وانا اخوك ...

مير استلم الله يعافيك

والله إنّا نعرفك ما تحب الغشيمة=مير لحم الكتف تعوي علاكم سباعه
انت عندك خبر كيف المقابر ظليمة=للذي دوّر المنصب .. ومن عَزّ باعه

مرزوق حمدان العتيبي 08-Jul-2005 10:27 AM
:) طيّب وش رايك في (باعه) ؟ ماسرت
المهم صح لسانك يا مبدع ... واستلم القفله ...
والى لقاء اخر ... ودعتك الله ..
اخوك

صح قلبك نبي نختم بيوت الوسيمه = وكل واحد حسب فهمه يصير اقتناعه
باذن محي العظام الباليات الرميمه = يستمر الوفا والوصل دون انقطاعه

فيصل الثبيتي 09-Jul-2005 12:47 AM
افا يا مرزوق توقّعت يطب ابها غيرك ماهوب انت ...

انت تقول /

والقبيله بها اللي يكسبون الغنيمـه=العتيبي عن الطولات ماقصر باعـه

وكلمة ( باعه ) هنا مأخوذه من الباع ...


اما قولي /

انت عندك خبر كيف المقابر ظليمة=للذي دوّر المنصب .. ومن عَزّ باعه

باعه هنا مأخوذه من البيع ...


وان كان البيت ما يركب نقول وداعاً لفن الشقر ... ;)

على العموم

صح بدنك طال عمرك .. وتشرفنا باللعب معك

الله لا يهينك . . .

الفيصــــــــل

مرزوق حمدان العتيبي 09-Jul-2005 12:53 AM
....
فهمت قصدك
وكلامك هو الصح ....
شكرا لك على الايضاح ... وبيض الله وجهك..
ومن الطيبين امثالك نتعلم ..
كل الود :)

فيصل الثبيتي 09-Jul-2005 01:14 AM
انا تلميذك يا ابو محمد . . .

ووجهك ابيض يا ابيض الوجه . . .

عسى ابوك للجنّه . . .

الفيصــــل


الساعة الآن »01:28 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd