عايض العاطفي =
سلام والمعنى عليه يقودنـا سلـك الحريـر=الله يبـارك فالعـدود اللـي وردنـا جمهـا
ياحسين بن شتوي ترى الدنيا رحاها تستدير=وش فيك ساكت والجروح اليوم ينزف دمها
حسين بن شتوي الحبابي=
يامرحبا حييت والمعني كما السيف الشطير=والملعبه لابد نعرف خالهـا مـن عمهـا
حنا نصلي ياطويل العمر في الثلث الاخير=واللي بلاها الله بهـم الله يفـرج همهـا
عايض العاطفي=
اليوم شفنا وش حصل لاكن بكره وش يصير؟=شوف اليتيمه تمسح دموع الشقا فـي كمهـا
اما تشيل الحمل وتحطه على ظهـر البعيـر=ولا كلتك العقرب اللـي فـي ذنبهـا سمهـا
حسين بن شتوي الحبابي =
بالله وايش الفرق بين الخير والشر الشرير=من عاش في نعمه عسي ربي عليه يتمهـا
واللي يحاول مايحصل لا قليـل ولا كثيـر=ماهو ب عارف ريحه البارود لين يشمهـا
عايض العاطفي =
ياحسين بن شتوي تعرف ان الردى مافيه خير=ام الكبايـر لاتزوجهـا وتطـمـع ف أمـهـا
لاتحسب ان الأمن والأيمان في سودة عسيـر=بكره عباتك لو تجيـك القـوم قمـت تخمهـا
حسين بن شتوي الحبابي =
النيه القشراء يطيح بها الردي في قاع بير=واللي مدحناهـا مدحناهـا ماعـاد نذمهـا
اليا خسر فيها الغناوى جات من حظ الفقير=يعيش في جو البـداوه والنيـاق يضمهـا
عايض العاطفي =
الطير مكسوره جناحينه ولايقدر يطير=ان ماطرحت طيور شلوى لاتناظر يمها
قارون ماله مايفيده لاورد في زمهرير=وان طعتني تم الصلاه اللي تفوتك تمها
حسين بن شتوي الحبابي =
مافيه لا حيله ولاتدبير في قدره قدير=والحيه ام جنيب يرجع سمها في فمها
يالعاطفي لاولع البارود ردينا المغيـر=نرجّع الطامع كسير وحملته متزتمها
عايض العاطفي=
ترى المناوي غير يارجال والأحداث غير=لاتنثر اوراق القضيه تم تجـي وتلمهـا
ان كان مامعنا سوات معاويه وبن الزبير=ترى القلوب المومنه منته بشايل همهـا
حسين بن شتوي الحبابي =
ياعايض اسر الليل لا ترقد ويعجبك السرير=نقـدر اهـل المرجلـه وتهمنـا ونهمهـا
ليا دعانا الموقف الغصاب حثينـا المسيـر=وجعل الرخاء والخير في كل البلاد يعمهـا

المشاركة الأصلية كتبت بواسطة راشد النفيعي (المشاركة 1299062) مايحتاج محاوره رائعه بيض الله وجهك

المشاركة الأصلية كتبت بواسطة ابو فايح (المشاركة 1299064) المعنى واضح للأحداث الأخيره وسكوت الحكام والمقصود به واحد ولكن العاطفي أبدع والحبابي أرى نقضه عادي وتركيب أبياته عادي وجهة نظر لاهنت يا مجري الهياب

المشاركة الأصلية كتبت بواسطة ماجدالخنفري (المشاركة 1299092) بيض الله وجهك علي نقل هذا المحاورة صراحه محاوره رائعه جداً ومعناها وواضح. بالنسبة الشاعرين ابدعوا حسين بن شتوي شاعر قوي وجزل وعايضً العاطفي ابدع بقوه في هذه المحاورة وانا لحظت حرص ابن شتوي وتخوفه من عدم طرق المعني بالشكل المطلوب لكن هو عارف المعني ويحاول التهرب. والا حسين أنا من وجهه نظري من اقوي شعرا قحطان في الوقت الحالي شكرًا لحسين ولعايض وياليت تزودنا بجديدهم

المشاركة الأصلية كتبت بواسطة سعيد مرزوق العبد (المشاركة 1321963) المعني عن انتخابات امريكا

المشاركة الأصلية كتبت بواسطة مهنـا العتيبي (المشاركة 1321964) هههههههههههه امريكا !!! والله مدري وش تدَور في القسم هذا

المشاركة الأصلية كتبت بواسطة خالد سفر العتيبي (المشاركة 1321968) يسعيد انا قايلك لاتكلم قبل ماتعطيني خبر

المشاركة الأصلية كتبت بواسطة سعيد مرزوق العبد (المشاركة 1321967) ههههههههههههه ليه يامهنا واضح المعنا يلعبون علي انتخابات امريكا

المشاركة الأصلية كتبت بواسطة ابو فايح (المشاركة 1299064) المعنى واضح للأحداث الأخيره وسكوت الحكام والمقصود به واحد ولكن العاطفي أبدع والحبابي أرى نقضه عادي وتركيب أبياته عادي

المشاركة الأصلية كتبت بواسطة الحد الرهيف (المشاركة 1322436) شكرا علي نقل هذا المحاوره القيمه والذي فيها معني سياسي قوي و عــــايــــض الــعــاطــفــي يقول اليوم شفنا وش حصل لاكن بكره وش يصير؟ شوف اليتيمه تمسح دموع الشقا فـي كمهـا اما تشيل الحمل وتحطه علـى ظهـر البعيـر ولا كلتك العقـرب اللـي فـي ذنبهـا سمهـا بيتين فتل قويه وطرق للمعني برسم شاعر له مستقبل وحسـيـن بـــن شـتــوي الحـبـابـي يقول بالله وايش الفرق بين الخير والشر الشريـر من عاش في نعمه عسي ربي عليـه يتمهـا واللي يحـاول مايحصـل لا قليـل ولا كثيـر ماهو ب عارف ريحه البـارود ليـن يشمهـا ورد رائع جدا وتغليف للمعني حسين شاعر قوي وله حضوره وخاصه في شاعر المعني وياليت يحتك بالشعراء الاقوياء الذي يلعبون المعني بصوره احترافيه مثل سفر وابن عتقان والشيخي الله يوفق ويوفق عايض وياليت يستمرون علي هذا النهج