|
الشاعر زبن القاضي : (العليمية ) حاسوا المحاورة ..!
الشاعر زبن القاضي (العليمية ) حاسوا المحاورة ..!
ناصر النفيعي ـ شعبية شخّص شاعر المحاورة زبن القاضي حال المحاورات التي لايكتب لها النجاح ووصف العلاج من خلال روشة تجربته وخبرته في هذا المجال . حيث بيّن القاضي بتجرّد وبدون مجاملة ان اكثر (ماحاس ) كثيرا ً من المحاورات على حد قوله ووصفه هي المجاملة الزائدة والمجامل الممجوع الفج الذي اضر كثيرا بالمحاورة والذي لجاء له بعض الشعراء مماساهم في فتح الباب على مصراعيه لثلة ٍ غير قليلة من أولئك القريبين من الغثاء الشعري والبعيدين عن الشعر حتى صار ميدان المحاورة مكان ٍ خصب لتنامي هؤلاء الشعراء . الذين يصح وصفهم ايضاء ( بالعليمية ) الذين لايجيدون القيادة بل يحاولون برعونة وتهور ارباك سير المحاورة والملاعب الشعرية . القاضي كشف ماخلف ستار هذا الكلام من خلال بيت ٍ شعري شهده حفل زواج الشاعر محمد بن زياد الثبيتي مؤخرا والذي صفق له الحضور كثيرا ووصفه متابعين بأنه من نوادر ابيات المحاورة فالاونة الاخيرة حيث يقول : بدون مجاملة والمرجلة تبغى صبر وإجهاد ماحاس الملعبة غير المجامل والعليمية ! |
اوافقه الراي في ماذهب اليه
اما البيت الشعري فهو بيت عايدي لايستحق التصفيق |
لو قال الكلام شاعر كبير اوافقه في بعض الشي لكن يصدر من شاعر تاريخه صغير شعريا لايستساغ
ثانيا الشعار مالهم ذنب هم تحت رحمة المكاتب والمكاتب تحت طلب اصحاب الحفل هم من يختارون الشعراء فلا يصح حذف المشكله علي الشعراء بدون مجاملة والمرجلة تبغى صبر وإجهاد ماحاس الملعبة غير المجامل والعليمية ! هذا بيت زبن طيب وشدخل المرجله فالشعر والملعبه سوق طلب وعرض البيت غلط المرجله لها كار وطرق مالها شغل فالعليميه والملعبه ومادام تبغا الدعوه بدون مجاملات بيتك يدل علي انك عليمي ادري قسيت اشوي لكن زبن يبغا الحق مايبغا المجاملات وانا قلت الحق حسب عرفي لو قال بدون امجامله لازم نعرضها علي النقاد ترا بنت الهلالي من سنه ماهي هلاليه تصبر ياسعيد علي الهجوم اللي يبا يجيك ان الله مع الصابرين |
اقتباس:
نصراويه ياسعيد ولا وش |
اقتباس:
جدا كلامك واقعي ياسعيد وزبن وده يطلع نفسه من العليمية بهذاه البيت يقولي واحد الشعار الاولين الياماوقفلهم الشاعر ند لند خذوه مضحكه |
سلموني عليه وقولوله يترك المحاوره ويسوي خير
ماحاس المحاوره الاهو واشكاله والشعراء يجاملونه على شانه تاجر ومن نحية البيت بيت شاعر مبتدي وش قدم زبن القاضي قاضي على اسمه |
تاجر الله يزيده
والله لو اني تاجر اني مافكر فالملاعب اتمتع بقروشي فالحلال واخذ اربع حريم وان بغيت العب جمعت الشعار عندي ولعبت معهم واللي يحرجني او يغلط علي ماشرّه ههههههه واخلي كل لعباتي مع مستور ورشيد وحبيب وملفي وانزلها فالاسواق مجانا بس المشكله ماتشيلني عظامي قدام رشيد الزلامي خص لاقلت له بيت قوي وقام يلخصني ويتحراني اخلص عشان يرد ههههههه اشهد انه يبا يشوي البصل علي اذاني يمكن هوي المحاوره والرجال هاويها |
وبك هذا شاعر الهيلا
ماهو انتم اللي تقيمونه شكرا له على هذا التصريح وعزالله صدق ويسلم ناصر النفيعي على نشر الخبر ويعطيك العافية ياناقل الخبر هنا تحيتي |
والباقين وش هم مدربين صف
ظلمت الهيلا واختزلتهم في شخص واحد |
بس المشكله ماتشيلني عظامي قدام رشيد الزلامي خص لاقلت له بيت قوي وقام يلخصني ويتحراني اخلص عشان يرد ههههههه اشهد انه يبا يشوي البصل علي اذاني
يمكن هوي المحاوره والرجال هاويها يا ابو مرزوق المشكله الشعراء التالين ما يفهمون تقوله انته حمار وحسيك تمدحه يبي تصفيق وتصوير ولاعند ه مشكله ولا احد يتجراء امام الزلامي والعصيمي وهو ماصارله سنتين ما المحاوره هل يعقل ان يفهم |
اقتباس:
صدقني كان يلقبوك باطلق شاعر اقتباس:
يستاهـل التكريـم و العـود سمـاه يوم انه عن شتم القبايل يحايز يازبن كـان انـك تبـى الضلع ترقاه احزم حزامك لاتسمت مشايز اعرف تـرى دونـه بواريـد و ارمــاه و فيـه الذيابـه مـاتعـد الجنايــز كم واحد قدمك ينوي معداه والى رجع نقول عساك فايز تبغى الصراحه كان تبغاه ماشقاه يجــوز لك ولا علـى غيـر جايــز |
اقتباس:
لكن لابد للرجال يصير عنده مر وش الفايده اظهر فالتلفزيون وانا مع جمبها هالزمان في ديوان واحد من الربع ابوه شاعر محاوره من دور مطلق وعلي قوته قلت اببدي عليه في قاف وليتني مابديت غسلني والله لو ماهو شايب كان تخانقت وياه ههههه المحاوره صعبه حدا صعبه جمهور وتحليل وتركيب وسبك ومقالب ومعني والوقت محدود الله يعين شعار المحاوره انا اشوف المحاوره اصعب من النظم |
ترى زبن مادرى عنكم
ربعه بيسوون له تكريم بعد ايام (( مناسبة تقلده لقب شاعر الهيلا )) وهو كفوٍ له الله يوفق ابونهار ويابو نهار انت جبل ولا يضرك الهبوب |
اقتباس:
|
ياجبل مايهزك ريح
كل شاعر من عتيبه يكون (شاعر الهيلا) وليس حصري لفلان بعينه |
شعراء عتيبه كفو ونفتخر فيهم كلهم وكلهم شعراء للهيلا وابو نهار من وجهة نظري شاعر كفو يستحق هذا اللقب على جزالة شعره وطيب اخلاقه
مسموح لكم التعليق على كلامي الا العبد العبد بعد ماغسل شراعه الشايب لايفتح فمه هههههههههههههه |
يعطيكم العافيه
على التفاعل وتصريح زبن ينقص منه ولا يزود له مثقال ذره لانه ما قدم للمحاوره شي يحسب له ويعتبر عليمي لاهو بمستور ولا الزلامي ولا من امثالهم في المحاوره بالتوفيق لزبن القاضي شاعر مميز ولكن لا يحق له التصريحات الي كذا |
بعد حبيب العازمي
كلم عليمية حبيب اخر شاعر محاورة الى الان وجهة نظر خاصة |
على طاري زبن فيه محاورة عرضت قبل فترة على قناة المرقاب بين زبن وحمود السمي
أحفظ منها شطر لزبن يقول العمارة عظم ماباقي لها غير اللياسي أرجو من الإخوان الذين يعرفونها أن يدرجوها لنا شاكرا ومقدر لهم ذلك |
بدون مجاملة والمرجلة تبغى صبر وإجهاد
ماحاس الملعبة غير المجامل والعليمية ! عز الله انك اول العليميه ,بالله عليكم فيه واحد يفهم شعر يصفق للبيت ذا !!! انا من وجهت نظري ما اطاح شعر المحاوره هو الا سلوب الغنائي الذي اتى به تركي الفين وتبعه على هذا المنوال شعراء كثيرون مثل الجلاوي والعياضي وفلاح المورقي ولو تاملت وتابعت هؤلاء الشعراء فلن ترى فيهم اي واحد قادر على الفتل او النقض |
لو قال
بدون امجامله لازم نعرضها علي النقاد ترا بنت الهلالي من سنه ماهي هلاليه من سنه ولا من سنوات يا عبد هههه |
ابو نهار
شاعر غني عن التعريف ويستحق لقب شاعر الهيلا وتصريحه في محله وأتمنى من الاخوه تكون ردودهم حول الموضوع لاتتطرقون لأشياء بعيده عن محور التصريح شكرًا للجميع |
يابوفايح قفل المضوع جووووووووووك الحقده وصار ت الصفحة للتفريغ الشحن ! كلآ عنده راي وكلآ يرا نفسه ابو العريف وهو مع جنبها
|
لو قال بدون امجامله لازم نعرضها علي النقاد ترا بنت الهلالي من سنه ماهي هلاليه سعيد العبد بيتك حلو ولو ان التعريض ماهوب زين .... وتحيااتي لك |
زبن القاضي شاعر
ولكن باي حق يصرح او ينقد يصرح على نفسه وينقد على نفسه قبل كل شي انا اشوف زبن القاضي ما اضاف للمحاوره اي حاجه ما نقارنه ابد في حبيب وملفي وامثالهم من شعراء القلطه احترامي |
فعلاً إيران قامت بالزحف على بلاد العرب والمسلمين
كفانا الله وإياكم شرها وجعل تدبيرها في تدميرها ** ابو عاتق لاهنت وكلام زبن صحيح 100% تحياتي |
| الساعة الآن »05:03 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd