السلام عليكم ورحمة الله وبركاته

سلام سلام مثل العـود ريحـه يفيـح=على الرجال العوارف وسط ميدانها
جزل المثايل نباها بالكـلام الفصيـح=تـوزن ويرجـح بهـا يانـاس ميزانـهـا

يامرحبا رحب وافي يبري اللي جريح = تنصاك والاوله قدامنا عانها ...!
قال المثل لا تصيح الا ف\وقت المصيح = قود السوالف وربعك تعرف أوزانها ...!

دام البقا والبلا رجل ن يحب المديح=ويقول دايانها ويصير مدانها
ومايصيح راع الفعول اللي تنومس نصيح=والمثمنه سلعته لوغليت أثمانها

نقّالة الشين دايم ملحها مايميح = الشين في راسها والزين ف\وزانها ...!
الناس تتعب على شوفة خدود المليح = لو تعبت اقدامنا نرحل على شانها ...!

نقالة الشين يوصف فعلها بالقبيح=والله يقبح وجيه ن شين عنوانها
قلبك خضر يالثبيتي واحضر (ا) من المطيح=ترى مطيح الجمال ايشل كرعانها

ام الكباير علينا جات تنقح نقيح = دام الحرابه لها ف\الحرب شجعانها ...!
ترا المعاني تعنيني وقلبي يشيح = ولا بعضها يغر الذيب برهانها ...!

ماتو هل الحرب فوق أقبورهم شف صفيح=وأم الكباير مشاكلها بورعانها
وباب ن يجي من ريح أسكره واستريح=ومن قدم الحسنه بنسان له احسانها

ذيب الخلا مايهاب ام اللبن واللتيح = لن مرّها الذيب قامت تغمض اعيانها ...!
حل المشاكل يفيد اللي يقوم ويطيح = والقصر مهما يصير ثبوت عمدانها ...!

المشاركة الأصلية كتبت بواسطة فهد الحصيني (المشاركة 1297426) منصور الثبيتي صح السانك وبيض الله وجهك يالقرم الختام عندك ومع السلامه