|
محمد السناني و سلطان الجلاوي ..!!
لا اجيد المقدمات المحاوره بين ايديكم و لكم الحكم بها ..!!
ولا تبخلوا علينا بتحليها اذا امكن ..!! السناني يا الجلاوي كل ما تنطقه يشهد عليك ... لد راسك للمواقيف ولا خلها ادري ان الامر كايد ولاهو في يديك ... مير ليه تقول للناس عندي حلها الجلاوي يا السناني يا السناني صحيبك يحتريك ... و المواقف تعتزي بي و انا كفون لها كلبونا كلبونا تحت طوع المليك ... كيف تجحد شجرتن تنسدح في ظلها السناني القضيه خيطها مشتبك منك و فيك ... و احتزم بي كان قدرتك ما تاصل لها الولا يمكن تبيعه بشيك ببطن شيك ... لا تفاخر بالجماهير و تطبل لها الجلاوي القضيه دونها باب و جدارن سميك ... و انت يمكن بعض الاوضاع ما تاصل لها الولا ماهو بلك لا تليه ولا يليك ... و الجماهير العزيزه وقفت بظلها السناني والله انا ما نكبك لو انا ما نبيك ... لا يوسوس فيك كثر العلوم و قلها قرب الميقاف راس الشريك من الشريك ... ان حالفك الحظ مع كل باب ادخل لها الجلاوي انت تتعب يا السناني تبا كرتون كيك ... لا تعشى الكيك عقب العشاء وتفلها الامر لله يا صاحبي من ....... .... يا محمد لا تفوتك صلاتك صلها السناني لا تعلمني بما ورثه جدك و ابيك .. لو حفظت اسرارك احسن لكم و احسن لها اتوقع مثل ما الله بلاهم يبتليك ... و انحرق من دمعة العين يوم تهلها الجلاوي ورث ابوي و ورث جدي سيوفن تحديك ... قشر حظك لو يقوم الوغا و اسلها |
الله العالم قصدهم زلزال كاترينا
اتوقع مثل ما الله بلاهم يبتليك ... و انحرق من دمعة العين يوم تهلها او قصدهم ايلول الاسود اتمنا الشباب يفيدونا |
محاورة جزلة من الشاعرين :) محمد السناني شاعر يحب اللعب على الوتر الحسّاس وإحراج الخصم لكن اعتقد أن الجلاوي ( الشاعر المتطوّر مؤخراً ) كان بالمرصاد لأكثر أبيات السناني الملغمة وكانت خير نهاية للمحاورة بيت الجلاوي : ورث ابوي و ورث جدي سيوفن تحديك ... قشر حظك لو يقوم الوغا و اسلها بيت قوووووي من الجلاوي:rolleyes: فيه بيت للجلاوي فيه خطأ مطبعي : والجماهير العزيزة وقفت ( بظلها ) والصحيح إرضىً لها واترك تحليل المعنى وفصفصة الأبيات لأهل الاختصاص :cool: مشكووور يافهد على نقل المحاورة |
بدوي ذرب وضح لنا المعني
|
محاوره جميله
وابداااع من الشاعرين ربما يكون الامر شخصي وموضوع وعد فيه الجلاوي وربما يكون الجلاوي رمز لشخصيه كبيره وكيفية ادائها لمسوؤليتها على رعيتها لاهنت يا فيصل وبيض الله وجهك على النقل |
محاورة رائعة
و الحقيقة ان الجلاوي بلش بجنيه الذهب فلا يوجد مقارنة بين السناني و الجلاوي |
اقتباس:
ولا يوجد مقارنه بين السناني وشعار حرب كافه ماعدا صياف |
مهجرس
ماقول غير يارحمة الله على صياف وش شعاركم يوم تنقد شعارنا ولد صياف ومع جنبها ومعتق وطفى سوقه الله يطول بعمر شعراء عتيبه ولا يفرق بينهم اقول يالله ثم يلا العتبان يليبقى الشعر مثل الهندي اللي يقلب نعاله |
اقتباس:
الله يعوضكم ياحرب يا مهجرس تسلفو من عتيبه ههههههههههه |
الجلاوي لو يغني لحاله يطربنا
|
الجلاوي شاعر متهور هجومي يحسب له الف حساب
القافلة تسير مادرت عن نبح الكلاب يالجلاوي ياسهمنا الى اشتد الزحام الى الامام يا أسطورة العصر القادم أبو نايف هههههـه لك مني تحيه خاصة لك يا طيب |
صح لسان كلنمن الشاعرين ولاهنت على النقل يا طيب
|
لحول
يا الربع خلونا بذا المحاوره ... و سلطان شاعر بدا يتحسن مستواه و يلتفت للمعنى .. و هو الى الان في البدايه و جالس يتطور .. و بالعكس انا مبسوط جدا من الجلاوي في الاونه الاخيره .. !! حرب : يكفيني وجود راشد السحيمي .. ملك النقض .. و شاعر لا يشق له غبار ..!! و كل القبايل بها حقها من رجالها ..!! ولا هنتوا جميعا على المرور ..!! |
الجلاوي شاعر بس ماله قدره على رد السناني
لاهنت يالجهني على النقل |
فيصل - منصور
من انتم عشان تقيمون الجلاوي الجلاوي من اول ماشي على النظام تو فطنت له الحين صح النوم خخخخخخخخخخخ على العموم يعطيك العافية ونعرف مقصدك من طرح الموضوع يالجهني |
اقتباس:
سلامات يالخال وراك زعلان الله يهديك كل انسان له وجهة نظر ... لاتزعل حفظك البارئ وراك قمت تسب و تشتم في شعراء حرب كلهم الله يهديك هدي هدي السرعة شوي لاتعصب ترى ماحد درى عنك و لا اقول إلا و نعم في شعراء عتيبة و نعم بالجلاوي و لكن ليش زعلت عشان فرقت بين الجلاوي و السناني ياخوي و الله فرق الثراء عن الثرياء |
اقتباس:
انت ياحريبي اذا جيت تنطق اسم الجلاوي يجب عليك الوقوف وتضع يدك فوق راسك احترامآ له ولقبيلته ونقدك يالحربي خله للعياضي و وثوبه المخصر |
انقد يالحربي علي كيفك لكن لا تقلل من شان الجلاوي
الطاروق قدامك انقده علي كيفك وانا كمان اقول شعار حرب كلهم ماحولهم معشا مع السناني ماعادا صياف وين الغلط هذا راي زي رايك |
اقتباس:
افا يا تركي .. هذي هقوتك بصاحبك ..!؟ لكن الله يبيض وجهك على كل حال ..!! |
المعني سياسي
|
الله المستعان :)
مهجرس الله يهديك .. لا انت باللي حللت المعنى ولا انت باللي فكيت العرب من شرّك مثل اللي يقول شوفوني بنقد شعاركم ولا اوصيكم على شعارنا ههههههه حتى السحيمي راشد ماسلم وهو عندي عن محمدين ! لاهنت ياصاحب الموضوع |
اقول ان الجلاوي شاعر كبير ومن يقول غير ذلك غلطان ليش
اولا السناني بادي الطاروق بمعنى قوي والجلاوي هنا ينقض البيوت يعني يدافع عن المقصود والدليل على كلامي ان الجلاوي شاعر التزامه بالنقض ولا ترك بيت يعدي الا رد عليه وبمنتهى الروعه ولو الجلاوي عنده نقص في شعره كان خرج عن الموضوع وهاجم السناني وهذا سهل جدا ولكن الرجل استمر حتى انتهاء الطاروق واثق ورائع بردوده وهذا يحسب له لا يحسب عليه ولو خرج عن المعنى لا اعتبرته ضعف فيه وعجز ولكن واثق الخطاء يمشي ملك ويا اخواني المعاني الذي هكذا يكون البادي هو المسيطر في عيون واسماع الناس ولكن الناقد والشاعر يعرف ان الشاعر الذي يقوم بالرد يسكر مربعات اوثغرات قام بفتحها الشاعر البادي وهنا مطلوب النظر وش رد به على خصمه ويقيم الرد كيف كان هل الرد صح او لا ومن هذا القبيل وانا ارى ان الجلاوي صح صح صح صح والمستقبل امامه رجاء خاص كل يدلي بدلوه ويقول وجة نظره بدون تجريح ياخي لاتستفز الناس قل الحق ولاتسيء لاحد تحفظ احترامك واحترام الاخرين |
اقتباس:
اعطينا بيت واحد لو سمحت نقضه الجلاوي واشرحه لنا كمثال فقط بما انك شاعر |
اقتباس:
السناني القضيه خيطها مشتبك منك و فيك ... و احتزم بي كان قدرتك ما تاصل لها الولا يمكن تبيعه بشيك ببطن شيك ... لا تفاخر بالجماهير و تطبل لها الجلاوي القضيه دونها باب و جدارن سميك ... و انت يمكن بعض الاوضاع ما تاصل لها الولا ماهو بلك لا تليه ولا يليك ... و الجماهير العزيزه وقفت ارضـــــــــــــــلها السناني لا تعلمني بما ورثه جدك و ابيك .. لو حفظت اسرارك احسن لكم و احسن لها الجلاوي ورث ابوي و ورث جدي سيوفن تحديك ... قشر حظك لو يقوم الوغا و اسلها ياخوك والله مالي علاقه مع الجلاوي ولكن اني اقول وجهة نظري حسب ما ارى قد تكون صحيحه وقد تكون العكس والناس كل له محب وكاهه ولكن ضمير الرجل يحتم عليه يقول الصح وانا ما ابغاك تطلب من شاعر ماله الاسنتين يتفوق على شاعر له خمسه وعشرين عام بميادين المحاوره لا ابغاك تنظر للشاعر الحديث وش قدم امام هذا الخبير وتقيمه من هذا المنظور فقط شكرا لك اخوي |
السناني
القضيه خيطها مشتبك منك و فيك ... و احتزم بي كان قدرتك ما تاصل لها الجلاوي القضيه دونها باب و جدارن سميك ... و انت يمكن بعض الاوضاع ما تاصل لها غريب شاعر مثلك تفوت عليه هذه النقطه وهي تكرار القافيه خصوصا اذا كانت رد على نفس البيت وهي اضعف نقطه عند الشاعر ونا يا اخوي ماقلت لك علاقه ولاشي طلبت منك ايضاح فقط لا اقل ولا اكثر وعلى فكره وجهة نظرك احترمها ولكنني اراها في غير محلها ولك مني الشكر والتقدير والاحترام |
اقتباس:
بالنسبه للقافيه كلامك صح ولكن المحاوره منقوله ومكتوبه من شخص ربما غلط او اخطا بالكتابه وربما نقلها كما هي واغلب ظني انه قال ماتفطنلها حسب ماذكر لي احد الاشخاص اللي سمع المحاوره والله اعلم انا ماسمعتها شكرا لك اخوي النقاش معك ممتع وهذا يدل على حسن خلقك وفهمك تقدير واحترامي لشخصك الكريم |
شاعر مثل سلطان لايمكن يغلط في القافيه
وهي ممكن خطا مطبعي انا اتحدى اذا سلطان غلط ونزل فديو المحاوره لتتاكد |
االسناني عملاق
والجلاوي شاعر غير نهجه في الفتره الاخيره واصبح يهتم بالمعنى شكرا يافيصل |
الجلاوي كفو وشنب ونعم الشاعر والرجال
|
اقتباس:
ولكن انت غيرت اتجاه سؤالك ههههههههه اقتباس:
اقتباس:
طيب ايش دخل تكرار القافية في الفتل والنقض ؟ جميع الشعراء الكبار حصل معهم تكرار قافية واصبح عادي واتحدى واحد ينكر |
اقتباس:
يااخوي الله يصلحك الشاعر كيف ينقض البيت اذا وقع في نفس القافيه !! تكرار القافيه احيانا يحصل في المحاوره كامله مره واحده اما في نفس البيت اللي قبله ما سمعنا بها واذا كات عادي فهو عند العليميه وليس عند فطاحلة الشعر |
كلهم شعراء فطاحله ماعليهم كلام ومحاورتهم هذه لايعتريها النقص فهي مستوفيه جميع الاركان لكم تقديري
|
ينطبق عليكم يامحللين المحاوره قول المتنبي
|
وينطبق:
ومن جاهلٍ بي وهو يجهل جهله .... ويجهل علمي أنه بي جـــاهل |
| الساعة الآن »01:33 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd