ياسـلام الله سـلامٍ للشـبـاب(ا) ولشيـابـه=عـد ماينبـت نبـات وعـد هـمـال الخيـالـي
يصرف الصراف عملاتٍ كثيره ماتشابه=والذهب عمله سعرها بالجنيه وبالريالـي

مرحبآ بالشاعر اللي حضنا ذلليل جابه=مانزله يوم نادى كود ابو زيد الهلالي
نعرف إنك ياعمر معدود من ضمن الصحابه=فارس مقدام يضرب باليمين وبالشمالي

البقا بك يالنفيعي وانت شاعر لا غرابه=مار ابوزيد الهلالي مات ياذرب العيالي
الصحابه بأذن ربي في نعيم وفي رحابه=والذي يعمل عمل صالح بأذن ربي ينالي

الجمل سمحان حذرا لايحطك فوق نابه=شرهت العربان واجد وانت واحد من خوالي
ياجبلنا مايعيش بقمتك غير الذيابه=ماتزحزح من مكانه يوم هبت بالعوالي

أنا جمال الجمل سمحان مثلي مايهابه=ليش تزعل ويش حدك لزعل يابن الحلالي
الجبل راسي ماهزه ريح تسقيه السحابه=والذيابه محتزيها بالسلاح أول وتالي

قصرك العامر مشيد مير قلي وش هوابه=يوم شبو نارها فوقك رديين الفعالي
وش تبي بالترك ونته شيخ تنسب في عتابه=دوس علمك يالسنافي واحذر الجار الموالي

دايم ن قصري مشيد للكرامه والحزابه=واحمد الله في نعيم ومن قديم ولايزالي
وابن حجنه شيخنا المعروف محسوب ن حسابه=وانت عقلك فيه خله رد لي على سؤالي