الفرق بين الناس فرق المبادي= ماهوب فرق اشكالهم والجرومي
خلقهم اللي للمخاليق هـادي =وفرقهم اللي في عـباده رحومي
كم واحد ٍ لاشفت شكله ريادي = وهو عيوبه مااسترتها الهدومي
وكم واحد ٍلاشفت منْظره عادي =لكن طيبه وصّله للنجومي
اختر قرينك واعتنه باجتهادي= تلقاه لاكثرت عليك الهمومي
رفيقي اللي يلتزم في معادي= وانجا لزومي ما انتحى عن لزومي
رايه ليامني طلبته سدادي = ماهوب خمعٍ (مايعرف اليومومي)
الصاحب الطيب عليه اعتمادي= بعد الذي بامره تســـير الغيومي
ترفع له البيضاءعلى كل بادي=والمدح كفوه بالخصوص وعمومي
شرواه مجلاسه بوسق الشدادي= رجل وسلمه من خيار السلومي
واهل الردى مالي وراهم مرادي = صحبة ردي المعرفه ماتدومي
هذا المجرب والكــلام الوكادي = اموثقينه حافظـــــين العلومي

الفرق بين الناس فرق المبادي= ماهوب فرق اشكالهم والجرومي
خلقهم اللي للمخاليق هـادي =وفرقهم اللي في عـباده رحومي
كم واحد ٍ لاشفت شكله ريادي = وهو عيوبه مااسترتها الهدومي
وكم واحد ٍلاشفت منْظره عادي =لكن طيبه وصّله للنجومي
اختر قرينك واعتنه باجتهادي= تلقاه لاكثرت عليك الهمومي
رفيقي اللي يلتزم في معادي= وانجا لزومي ما انتحى عن لزومي
رايه ليامني طلبته سدادي = ماهوب خمعٍ (مايعرف اليومومي)
الصاحب الطيب عليه اعتمادي= بعد الذي بامره تســـير الغيومي
ترفع له البيضاءعلى كل بادي=والمدح كفوه بالخصوص وعمومي
شرواه مجلاسه بوسق الشدادي= رجل وسلمه من خيار السلومي
واهل الردى مالي وراهم مرادي = صحبة ردي المعرفه ماتدومي
هذا المجرب والكــلام الوكادي = اموثقينه حافظـــــين العلومي

ياصاحبي مرزوق راع الشدادي=ياليت لهل الطيب بعض الوسومي
من شان يعرف طيبين المبادي=ويدخلون اهل الردى فاالكمومي
ويفرق مابين الهيلعي والربادي=فرق الربيعة بين تومن وتومي