سلام ردية وفا تطلع مطاليع القمر = وتنصى الرجال اللي على الجزله تمد ايدينها ...!
مخلد ولد منصور عام العام لامنّه حضر = ماهو مثيل التاليه يازينها ياشينها...!

يامرحبا ترحيبة تمشي على بر وبحر=تنصى الرجال اللي على السنه تطبق دينها
مخلد ولدمنصور يسمع وش يقولون البشر=مامدبيساره على ناس تمد يمينها

دام البقا ياشاعرٍ يغرف بحر ينحت صخر = لو الرجال الوافيه يمّه تعاين عينها ...!
انت جزيل الشعر وهل الشعر في دارك تمر = صون المعاني ونتبه وين المعاني وينها ...!

الدرب واضح وانت حذرا لاتقرب للخطر=من يمسك السله تبين في يده حدينها
اناادري ان السالفه تمشي على بطن وظهر=الناس لاتخطي مجننها على صاحينها

المشاركة الأصلية كتبت بواسطة مخلد منصورالثبيتي (المشاركة 1293224) الدرب واضح وانت حذرا لاتقرب للخطر=من يمسك السله تبين في يده حدينها اناادري ان السالفه تمشي على بطن وظهر=الناس لاتخطي مجننها على صاحينها

نمشي على وضح النقا والاوله قدم النحر = من الرجال اللي تساند قومها وتعينها ...!
السالفه بحرٍ قبل عامين يسقي له شجر = واليوم جف البحر وشجاره يباس اغصينها ...!

يقلون ليل العيد يامنصور بين من عصر=وبضاعة الدكان ماحنا بحاجتها ولاشارينها
انته تسولف مير اضنك مامعك علم وخبر=والشجره اللي ماتضلل مالعرب مسقينها

أصبحت معك محلل الدعوى وريسها المقر = لو الدعاوي من جهتك نقصّها منحينها ...!
ادلّه الدرب الصحيح ويرجع الدرب الحدر = وشلون أحل المشكله والمشكله راضينها ...!

مايعرف الجره يكود اللي يقصون الاثر=انشد هل العلم الوكاد يعلمونك وينها
لاتمشي الدرب العسير ان كان ماعندك صبر=الناس تشرب صافي الجمه وتترك طينها

الحق يثبت والكذب يمحاه ربي والدهر = ويمناك تكتب بالفعل وقوالكم ناسينها ...!
باصكر الدعوه وحل المشكله عبر النشر =يمكن تجيك مساعده والمشكله جافينها ...!