شكًيت من بعض السوالف وجنًبت=ماهو قبول الاً تحاشي مناقيد
مما بدا لي من بواين تعجًبت=ماقفك شاغر يابعيد المواريد
وان مرني راع تماثيل رحًبت=ماني مضيًق خاطره بالتواريد
لو قلت له ياناظم الشعر وشْ جبت=حجزت بسجل التخاذل مواعيد
بينت في ربعك مهامز وعذربت=وانته مدين بعير يا مدور القيد
شِرِه عليً وقال ياحمود ما اصبت=لاتِلْفِت لنهجي عيون الصناديد
أنا عن الواجب ليا حان ماغبت=في محزمي جاهز حرار العباريد
ارتحت من قوله ومن وضعه ارتبت=أشوف تسقط من يدينه عناقيد
ليت الرفيق يعالج الضيق بالكبت=اطيب ولا يرمي علينا اللبابيد
يقدريجاور ويتديًر هل الخبت=ويحب خشم سعيد والا مساعيد
واليا هرج معهم وسيًر على النبت=ياخذ دروب ماتمر المواريد
ان مرًها يسمع لغا خبت ما طبت=من شائب نسمع حداياه فالعيد
ومن مذربٍ يثبت على ماقفه ثبت=يشفيك لا ذرًع قوي العجاريد
أسبر بروق النو واثري تكهربت=والا الرعد شاله هوى النو وبعيد

المشاركة الأصلية كتبت بواسطة قـنـاص الـقـوافي (المشاركة 1291067) الله عليك الله عليك صح لسانك ولاهنت يالجزل تحيتي

المشاركة الأصلية كتبت بواسطة ابوعابد العصيمي (المشاركة 1291116) صح لسانك يابو فهد وانت مواقفك مشرفة للقبيلة ..

المشاركة الأصلية كتبت بواسطة قيس العازمي (المشاركة 1291189) ابن خيشوم صح لسانك واعتلا شانك قصيده جزله ومن شاع متمكن ومبدع تقبل مروري

المشاركة الأصلية كتبت بواسطة عبدالمحسن عبدالهادي الغنامي (المشاركة 1291190) الله عليك الله عليك صح لسانك ولاهنت يالجزل تحيتي

المشاركة الأصلية كتبت بواسطة محمد الذيابـــي (المشاركة 1291354) .. صح لساااانك يابن خيشووم قصيدة تستحق الشكر عليها..

المشاركة الأصلية كتبت بواسطة ابجاد العتيبي (المشاركة 1291356) صـــــــــــ لســــانك ـــــــح يااااابو فهد وانتظرجديد ك على منتدي قبيلة عتيبه الهيلا تحياتي لك

المشاركة الأصلية كتبت بواسطة فايز بن سرحان الثبيتي (المشاركة 1291376) ارتحت من قوله ومن وضعه ارتبت أشوف تسقط مـن يدينـه عناقيـد الله الله ياحمود صح لسانك لله درك "