سلام الله على العتبان وثنيها على العتبان=رجالن بيض الله وجه قاصيها ودانيها
ولاياهل المعاني وين بالقا الشاعر الفنان =اباعطيه المعاني والجزيله منه بشريها

هلا يا مرحبا ترحيبن يردك على العجمان=رجالن ما جهلناها بحاضرها وماضيها
دخلت بداخل الدكان قدمك تجرة الدكان=لكن افتح صناديق الدراهم لاتخبيها

هلا بك و البقا ياللي ترحب وسهج الميدان =وخل بحور ربي يالعصيمي في مجاريها
مدامك فاتح الدكان خذ مني هروج سمان=هروج رجال يارجال تعجبكم معانيها

ليا مني صرفت اصرف لا عاجز لا ولا بحلان=واخل الناس تتعب مع طروقي لو تباريها
هروجك ماتوردك العدود وتبخس الميزان=وعزيز النفس نفسه للدناعه ما يدنيها

عسى الله يرحمك جاتك عسى الله يرحمك يافلان=تقبل كلمتي هاذي تقبلها ونثنيها
هروجي ماتضيق خاطرك ونته وسيع بطان=ولاكن ليت خلق الله تفتح لي اذانيها

ابقبلها ثم ابردها مختلفة الالوان=تبا ترجع لمصدرها وانا بالحيل مطغيها
بدربي ماعليه لو وطيت الداب ابو نيبان=انا حافظ جزو عما وكل اسوره قاريها

نا خابرك ياراكب على لك سرج فوق احصان=شجاعن ماتهاب عداك ياماجد تعاديها
الا ياجحر ضبن دايمن تدخل به الضبان=وبنشد ماجد المنعور عنه ويش تاليها

لكن انته على مدفع يرجك لاطلق النيران=تنومس ربعك اللي كل ميسم بينن فيها
هذا جحرن تازا به ضبان اشيقر مع الصمان=تقول الناس عانه في حرض وانا ماازكيها

ابا اصيد الهدف ياصاحبي واثبت النيشان=واوردها وصدرها يالين يتوب باغيها
لاوالله الا في ديارك سقتها بدون عنان=جمالن في ديارك يالعصيمي شف مواطيها

بعد صخن ولد مره مع الشبل ومزاجه شان=اباخذها وابعطيها واسرحها واضويها
سقها بعد ترا ما قدمك الا مخلف الاذهان=ولاهو مري كل جره ياخذها باثاريها

سقها بعد ترا ما قدمك الا مخلف الاذهـان ولاهو مري كل جـره ياخذهـا باثاريهـا

تخليها مع المره تخليها مع قحطان=يارع الذاهبه ياللي عيال الناس تقنيها
اي بله مري وجرتك يظهرها مع القيعان=ويظهر جره السارق ولوقفى حراميها

ذهيبي لو يجيكم يآل مره يخلي المرحان=ولو يلقى ذهيبتكم بيطرحها ويعطيها
انته سوات المري اللي يشتغل للامريكان=وظايفكم تشابه مار ما ربي بحاليها

تراك اللي يدحرج لقمته دايم مع الجيان=ولاهمك مرورتها ولاعندك فحاليها
انا لامريكي اللي سادكم يامعزب الضيفان=وصعدكم جبال الغرب ونزلكم لواطيها

تراك اللي يروج بضعته دايم مع العربان=وهذي دار يصبحها وهذي دار يمسيها
الامريكي يقودك وانت تلهث مانته بفحمان=لكن لسينك رده بفمك ولاتثنيها