انا ماعترض في حكمت الخالق الرزاق=جزيل العطا ياخذ ويعطي بمشهاته
لكن يرتفع ضغطي ليا شفتلي سواق=على موتراً ماهوب يسوى كفراته
ويدق البواري ويتمشى مع الاسواق=على باله انه شيخ والشيخ عماته
وعساها تصيب الي على امانته بواق=عسى حضه القايم يجي تحت جزماته
ويضبيب يالي يزعجه لمعت البراق=تفقد جحيرك لايجي السيل فتحاته
وعليك الحذر من صحبت المازح السراق=قليل المروه لايغرك بضحكاته
ترى يوم فيه الجمع يصبح وراه افراق=ويدون جميع الي حدث في سجلاته
وابقولها بالصدق يوم ان صدري ضاق=تراء المجرم الي يقتل الحق بسكاته
وعسى لايمي لمضاعفت كسر عظم الساق=ويجيه الزمان الي يطول معاناته

المشاركة الأصلية كتبت بواسطة الغضنفر (المشاركة 1288477) صح لسانك يابن غشيان جزله من جزل تقبل مروري

المشاركة الأصلية كتبت بواسطة عايض جزاء العصيمي (المشاركة 1288563) صح لساااااااااانك يابن حشيان سجل اعجابي تحياتي وتقديري لك لاهنت

المشاركة الأصلية كتبت بواسطة بيرق خثعم (المشاركة 1288567) صح لسانك بارك الله فيك

المشاركة الأصلية كتبت بواسطة قيس العازمي (المشاركة 1288597) صح لسانك يابن حشيان قصيده متكانله وتعالج بعض المواضيع ولكن بيت يابيب ارى انه ليس في مستوى القصيده تقبل مروري

المشاركة الأصلية كتبت بواسطة فالح الراي (المشاركة 1289389) صح لساااااااااانك يابن حشيان لاهنت