سلام ردية وفا تمشي على النهج القويم = ردية من ثقلها كل يحسب حسابها
الكلمة اللي مالها تاثير واضح في الصميم = يااصحابنا الشعار لابوها لابو من جابها

يامرحبا ترحيبةٍ تمشي الصراط المستقيم = من هاجس اللي ما يحسب حساب لن غنابها
هذا الكلام اللي نقوله يالقثامي من قديم = لكن خلك من ورا الحروه وقفل بابها

احسب حسابك لا تعدى حدود غيرك يافهيم = وحنا نعرف ان المواقف مالها الا اصحابها
مدري نسميك الذكي والا نسميك الغشيم= وسليم فزعه راس مال سليم في

هذا القثامي يا وجيه الخير من شكله عديـــم = يبــ يكسي اجسام العرب بثياب غيــر ثيابها
مشعابنا اللي تعرفه لعتيبه الهيلا خصييم = يا ما عدلنا به بعارينٍ تعووج رقابها

الله الله

فتل ونقض على اعلى مستوى

صح لسانك ياثامر وصح لسانك يامحماس

متابعين

انت تبى الجنه لكن الله رمابك في جحيم = ما تستحق الطيب لحيه ما تحفظ اشنابها
مشعابعكم ما يعتزيبه غير رجال سقيم = ما يحسب حساب السيوف اللي قوي مضرابها

اهب يا ذا الرجل لو ننشدك ،، (وت از يور نيم) ؟؟=يمكن تضوي لك مصيبه ما تعرف اسبابها
لن كان تبغا العلم تلقى العلم مع شاعر عصيــم = ومع الرجال اللي على المارد تحث ركابها

الله عطانا العقل والحكمه من العقل الحكيم = ياللي تصلي لك صلاة ن ماحد ن صلابها
ان كان صادق في كلامك قول والله العظيم = ان ما رضت الاولة فالثانية ترضابها

ثامر القثامي - محماس السلمي

صحة ألسنتكم وقلووووبكم

طااااروق مميز ومعتبر

متاااابع لكم ,,,

حنا نصلي يالقثامي بين زمزم والحطيم = وانته ما تاصل مكه ومالك ومال شعابها
اللهُ أكبر كل ما هبت ذعاذيع النسيم = عوّد على خيمتك واركزها ومس اطنابها

ما ودنا نجرح شعور اللي سكن حي النظيم = والمشكلة لا من ضربت الارض ثار ترابها
ان كان تبغى الحق يا محماس جوك فيه غيم = خطير والله في سليم انك تثير اعصابها

في ذمتي ما قط شعمت النار من شوك الهشيم = ولا ارجع الشلفا ليا مني لزمت نصابها
لكن حشمه لك ولعتيبه واهل ظلم وظليم = نبي نمسي بالسعد حضارها وغيابها