|
ابشروا بالزيادة يالشعب السعودي
زادت درجات الحراره في أجواء الخليج وسمعنا صوت المكيفات وضجيجها في المنازل من بعد مدة طويلة حيث أتانا فصل الشتاء و منعنا من سماع صوتها مربعانية فشباط ثم العقارب والآن نقزت العقارب وها نحن الآن نعيش فترة يقال لها فترة السماك فترة دافئة تعبر عن نهاية أوقات الربيع حيث تأتي بعدها الكنة في فصل الصيف, قلت السماك وهذه تقرأ بالسين المشدده وتعني أن النبات يسمك ويطول ويرتفع عن سطح الأرض وتطلع نواويره وأزهاره وتبين جميع أجزاءه.:rolleyes: لا تزعلون يالربع أدري أنكم تبون زيادات :cool: لكن هذا اللي تعودنا عليه كل سنه كبودنا تشفشف على الزياده ومهناش فتعودنا على زيادة درجات الحراره إما في أجواءنا ولا في أجسادنا كفانا الله وأياكم من تقلبات الزمان. :( حبينا ندردش معكم ونمسي عليكم بالخير:o أمانه أمانه تعلمون بالصدق :) عندي سؤال يراودني هذه اللحظه:confused: يقول كيف جالس هذه اللحظة وماهو شعورك؟;) |
اكيد /زيادة فاتوة الكهرباء
|
هذا يابو جزاء لا شك أنه موسم :d
واسترداده ميزانية لحالها خارج الحسبان;) |
يافرحتنً ماتمت ياعزارم
|
هههههههههههههههه
مشكوووووووووووور يالغالي... |
هههههههههههههههههههههههه حلوة
|
اقتباس:
:d جعل أيامك كلها أفراح يالغضنفر :) |
يجيب الله مطر
|
اقتباس:
:p سبحان الله يا محمد بعد موضوعي مباشره جتنا البرده مدري هو سمعني ورجع, ولا ماعرف احسب |
اقتباس:
وجاك ..... :) |
ههههه الله يجييب المطر يامشاري
التخمه وشدخلها خابرها في الأكل ولا تواخم غير ؟؟ ابتلشنا مع بعض المصطلحات يامشاري خربتنا الحضاره و العولمه يابعد راسي |
اقتباس:
أبشرك جتنا غشنة طيبه ، ولا بعد ماعرفت وش الغشنه التواخم هو الاشتياق ، اذا تتواخم انت وفلان بمعنى انك مشتاق أنت وفلان عرفت ياراع العولمة ؟ ههههههه |
اقتباس:
:D عسى يجي عقبها السيل لكن اربه صدق يا مشاري عزالله انا متواخمين له تواخمن ماهوب مثل تواخمنا للحر ومكيفه يابعدي ;) نبي نمتحن الكلمه يامشاري هههههه بس حلوه تصبح مسجلة بالذاكره لك الله لا جربع بعض الناس دايم يتفلسف معي واليوم بنقلب الطاق مطبوق :cool: |
هههههههههه
الله جاب المطر اللهم زد وبارك عليك أبهم. امتحن الكلمة تراني قاموس بداوة كانك تبا تعاقبهم تراني موجود ....:d |
جعل عمرك طويل
ماقصر العابر الله يعطيه العافيه جاب علوم الامطار .. لكن بالله عطنى كلمة تداولها منقرض قديمة وانا ابا انشدك عن معنى سختيته يا مشاري ؟؟ |
اقتباس:
:) أبشرك أخذ لفه و تدويره :d |
اقتباس:
عندك :- زعيترة = كلمة تعجيزية وتستخدم للتحدي ، زعيترة تجيبه ، مستحيل تجيبه !! يا لهده = ياغبي ! مرواح مذلوف تقفاه عاصوف = تقال عند الغضب وهي دعوة شديدة ههههه الله يستر عزارم |
زعيتره هههههههه قديييييييمه مبطي ماسمعتها
سختيته معناها ماقلته ؟؟؟ |
وين أيامك يا مشاري
|
نحن يالشعب السعودي شعب طيب قوي على ماقالو اخوانا الصعايدة !!!! حنا الشعب الي دايم يحصل لة زيادات بس مااحد حاس مدري لية !!!!! ضغط الحياة ولاحرارة وبرودة الجو المهم لازم نقدر فيه زيادات عظيمة عندنا زيادة الاسعار المجنونة زيادة الكهرباء زيادة الرسوم زيادة الاعلاف زيادة الاسمنت زيادة رسوم الجامعات زيادة المخالفات ودبلهاااا الحمد لله على كل حاااااااال |
هلا عزارم انشغلت أي والله
سختيته احسبني كاتبها لك معناها الحرارة اذا اشتدت درجة الحرارة واعذرني على الإطالة |
لاهنت يالحبردي والله انك رايع دايما لاكن كنك منت معنى عموما بالنسبه لي اناوالله ماافرح بالزياده الاتظرني وتظرالشعب لوحسبهاصح لاكنه يفرح بهاولايدري مردودهامنهوفي ناره الزياده من عدة سنوات مظره جسيمه؟؟قل ليش اقولك لانه..لوزادة الحكومه الليله الرواتب 100ريال اصبحة الهواميرالي في السوق من سنين وتآكل بغيروجه حق؟رافعتها في الاساعر ومختطفتهامن ساعتها على قبلهاماستفاد المواطن منهاشي؟الاوكلة زياته الجديده مع درب اكيلته الاولى وغبينه ايضا والله المستعان على تدقيق الحسابات يالحبردي مشكورطال عمرك تحياتي |
اقتباس:
ههههههـه وينه و ين القوة ياطلال |
اقتباس:
ههههههـه اليوم سختيته يا مشاري |
اقتباس:
نستنج ردرود أفعال و حكم و أمثلة محبطة من هذا العصر ( ماعاد نبي زيادة نبغى تنزيل الأسعار ) (جاتك فواتير الكهرب وين أنت يا قانيها ) ( مع ازدياد الحراره تزود صرف الدنانير ) ( عصرنا عصر مفاطيح الدجاج ) ( سنة غلا الخرفان ) ( سنة غلى الشعير ) ( سنة غلي الحديد ) ( سنة دفع الفواتير ) ( سنة مزاين الغنم ) ( سنة تبدوي الحضر ) ( سنة الربيع العربي ) ( سنة طرد الحكام ) ( سنة تسديد مخالفات الملك ) ( أزمة انهيار الاسهم ) ( أزمة تعليق السيارات ) (غلى الاسعار و قل الامطار و زود الغبار) ( السماء تمطر و الجو مغبر والارض ماتنبت) وهذا قليل من كثير الله المستعاااااان |
الله العالم انها ذنوبنا
مار استغفرو ربكم استغفر الله من كل ذنب |
أستغفر الله
أستغفر الله أستغفر الله أستغفر الله أستغفر الله أستغفر الله أستغفر الله أستغفر الله أستغفر الله أستغفر الله أستغفر الله أستغفر الله |
| الساعة الآن »06:49 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd