يوم قلنا ودنا منك بجديده=بيننا ميعاد والناس بوعدها
جاتنا من عند محماس القصيده=مايعرف اهدافها الا من قصدها
كنها تكتب على صدر الجريده=يوم سيس ساسها تثبت عمدها
نابعه من دمه اللي في وريده=لوتخالف فكرته قام وجلدها
بطنها بحرن على الشاطي زبيده=من صوكها راسها غطه زبدها
ماتخليلك على الساحه شريده=مزنتن يوم ارتكت هلت بردها
كل بيت اكرره ورجع وعيده=داش فكري من كثر ماقلت عدها
من بديده والقصايد من بديده=مايعرف اسرارها حتى ولدها
قلت ويش اسمك وقالت لي فريده=قلت وش محماس قالت لي سندها
فارسن لاطب ضرباته جويده=لابغى يشرب من الجمه وردها
يسقي الضميان ويعش القعيده=ياولد قطنان وش عندك بعدها
مايطيب خاطره غير العنيده=لالقاها فاول الشرد فردها
وحطها بين الذكيه والبليده=لان ترخي راسها وتمد يدها
بعد تصخيره لها تبقى وحيده=لان يطوي قيدها ولا رصدها
قلت والله يالقصيد انه وليده=المراجل كلها محصن عددها
فالنهايه انتي اللي مستفيده=جابها شاعر عتيبه ما حسدها
جابها ماكنها هزت رصيده=يوم بعض الناس يفلس من رعدها

المشاركة الأصلية كتبت بواسطة عجاب الدغيلبي (المشاركة 1279783) عبدالله القوبع صح لسانك لاهنت ولايهون الشاعر محماس بن شميسان تحياتي وتقديري

المشاركة الأصلية كتبت بواسطة محمد الذيابـــي (المشاركة 1279983) عبدالله القوبع صح لسانك لاهنت ولايهون الشاعر محماس بن شميسان تحياتي وتقديري

المشاركة الأصلية كتبت بواسطة قيس العازمي (المشاركة 1280003) صح لسانك يالقوبع قصيده جزله ومن شاعر كفو لكن تمنيت انك جبت لنا قصيدة ابن شميسان نبي نسمعها تقبل مروري

المشاركة الأصلية كتبت بواسطة عايض جزاء العصيمي (المشاركة 1280069) صح لساااااااااااااااانك قصيده رائعه وشاعر اروع

المشاركة الأصلية كتبت بواسطة سلطان قومه (المشاركة 1280345) ابيات جزله ومعناها جزل

المشاركة الأصلية كتبت بواسطة فايز بن سرحان الثبيتي (المشاركة 1280483) ياسلاااام بيض الله وجيك" وابن شميسان يستاهل "

المشاركة الأصلية كتبت بواسطة سهيل 1 (المشاركة 1289833) صح لسانك .. جزله من جزل ........