ياسلام الله سلامٍ يبدا للقروم=في محل العزوه اللي يضدون الحريب
هيه يانايف تحيزم وناطح للهجوم=وكل جرحٍ يالعتيبي تحصله طبيب

مرحبا وعداد مالاح براق الغيوم=من هجوسٍ فاللقاء رايها دايم صويب
شدحيلك واسر ليلك وعينك لاتنوم=جعل حظك ياوسيع المعرفه مايخيب

البقاء ياللي ترحب عسى حظك يقوم=وانت شاعر مير عن واجبك حذرا تغيب
البلد لاهل البلد كل دارٍ وله قوم=والله اللي يكتب الرزق ويسوق النصيب

المهند

الله لايهينك

وجودك نور المتصفح


احترامي لك
اخوك

والله ان خابرين العوايد والسلوم= مايخلي واجبه غير ملعون الصليب
واقفٍ مندونها كل ليل وكل يوم=نردع الاعدوان بالسيف ابو حدٍ عطيب

خابرينك يارفيق الليالي فاللزوم=فارسٍ مغوار من دون شك ودون ريب
كل بيتٍ تالي الوقت يطلع منه بوم=يالله استر ياعليمٍ على خلقك رقيب

وانته ونعمين لكن وشفيك مهموم=ازهل الموضوع وارتاح يالقلب اللبيب
راح حرب البندقيه بدا حرب النجوم=ساير الايام معاد به شيٍ غريب

كل رجلٍ قد جسمه يفصل له هدوم=والخطاء ياصاحبي مايجينا من صحيب
القليب ابها نواعير والمضمي يحوم= والعدوا ياذيب لا ما يورد للقليب

البس ثياب المعزه عسى عزك يدوم=الخطا مانقبله من بعيد ومن قريب
مايطب المسجد الي تعشى فص ثوم=نطرده عن منبره لو فزع معه الخطيب

المعزه لاهلها والمذله لرخوم=واليالي تكشف السر والعلم الغريب
كل رجلٍ دون داره تراخى بالعزوم=طيعني لاتحتزم فيه بالوقت الصعيب

ياعساها ماتجيك المنايا والسهوم= شاعر لقلتلك كلمتينٍ تستجيب
ماحتزمنا غير بحزام جدانٍ قروم= نردع الاخصام وان عودت نار ولهيب

اخوي نايف

الله لايهينك

والله ان اللعب معك مكسب

لاكن يعلم الله اني منشغل


بيض الله وجهك يالقرم

وبيض الله وجيه الي حضروا

اخوك