الأولة يا مرحبا ترحيبةٍ في كل حال = والثانية شبت لهيب الجمر في شعارها
اموجهة للي يبا يجني على روس الرجال = لكنّ فات الفوت والدنيا تشعلل نارها

ابك البقا ولاّ بلاش امن البقا هيا تعال = والثانيه ناقتك لا تكفا حليب احوارها
ياصامل الله يرحم اللي خلفك خل الهبال = فرسان عليا منت محرقها بوسط اديارها

حنا كرام , آلاد عاصم من كريمين السبال = وإليا بيغتوا تحلبون البل عند غارها
الريس اللي ناشرٍٍ ذيعه على صم الجبال = اليوم نسمع بالخبر يقتل على ثوارها

الله يعلم نيتي لايدخلك شك وضلال = انا خذيت ايمينها وانته خذيت ايسارها
خلك من المسجد ليا المجلس وعود للعيال =مالك ومال امور تدخلك السجون اسرارها

الناس عاينت القمر وأنته معاينت الهلال = وأنته تحرر فالخبر ياللي نشرت أخبارها
أنته بعد ماتعرف إتفرق حرام امن الحلال = والليلة الليلة تبا تفتي بكل ادوارها

الله يسامحني تبعت الشمس وارخصت الظلال = اتعبت نفسي والقدم في كار ماهو كارها
ماودي اجاريك واجاوبك لاقلت السؤال = خايف عليك امن العصا تنفض عليك اغبارها

لكن لو تغرب هذيك الشمس مافيها مقال = لكنّ لاتاتي قدم رجلك بجدر أسوارها
ماودي أسألك السؤال اللي مسلسل بالقفال = لكن عندي بندقٍ في جبهتك معيارها