راكب الالماني التالي جميل اوصاف غالي=من طراز المان والالمان كاملتن فنونه
كل مادقت هواجيسي ومنها ظاق بالي=دق ويهله يرضي الزعلان ويبعد شجونه
ونتهيا لسفر مر الحفر مشيه عدالي=والعيال من الوقود وقلد سوبر يطعمونه
مادخل فيه الحرام مطلعينه بالحلالي=ولانسم فيه اخبث العالم خبيثين النمونه
يوم هيصني ولدعمي طرالي ماطرالي=مدح مدري ذم جعله في ماخابة ظنونه
لوتحط الفين لنبه والف من روس الحيالي=شاربن ياتي بلا داعين حقه تقصرونه
ون تتبعنا الهروج الضايعه واهملالي=كل واحد غاص من سبته لياء عالي قرونه
والغلط دايم يجي ويصير من راعي هبالي=مايجي من شايبن كل الشباب يشاورونه
ون حصل ذالك ثبات الله يزين كل تالي=من يقرر يعمرون البيت والا يدمرونه
سولف السولفجي الي في بعض هرجه ميالي=شي ينطق به كلام وشي تنطق به عيونه
ودارت البسمات بالنسمات واحلو المجالي=وابتسم بالناضر النادر وزاده في صحونه
ولويقولون الرجال الضحك من كثر الخبالي=بارك الله في كلامن يضحك الي يسمعونه
يضحك الي مايميز في يمينه والشمالي=مرجلة هاك الولد وتجارته ضحكة سنونه
جعل بعض الناس يالاجواد مافاله بفالي=والله انه مايبيض وجه ربعن يرفعونه
بيض الله وجه ابومالك وفكاك التوالي=كل ماهس الولد موقف عتابه يحتمونه
ربعي أهل الطيب وأهل المعرفه وأهل الجزالي=والرفيق أله العلوم الطيبه ماينقصونه
جيت ابا أكشفها وردتني مناقيد الرجالي=عز نفسي كنزها والرب ف الي يلحسونه
وبقدرت الوالي يصير البرق كاشف للخيالي=في ضلام الليل يبرق والاوادم يكشفونه
والله اني ماسكن حدي وسدي لين ألالي=ثم لياء لاليت ماقلت السلامه والمعونه
قاله الي ياشليويح العتيبي مايبالي=ومن حياته مامشى درب المذله والمهونه
عايشن بين الشحم والطيب وخشوم الدلالي=كان عاده عادته وان كان فنن من فنونه
علمه عوده على الشيمات ودروب العيالي=وعقب علم العود ماياخذ علوم الي يجونه
رب طول عمر والدنا بعزك والجلالي=عقب علمنا على حص الرجوله والخشونه
علمنا يمتاز لاكن ماتميزنا الليالي=والزمان مقربعن حالي ومقرعتن شنونه
يفتح الثغرات للغارات وخشوم الثعالي=والثعالي شي دافنته وشين ينقبونه
ويوم بعض الناس مسندها على جرفن هيالي=مسندي عز وذراء الي ف الشدايد يلحقونه
حر من حرن وحره والمجاني راس عالي=يشهدالله لوتمدون النضر ما تبصرونه
والله الوالي هو الي عالمن خصة حوالي=وقدر نفسي عند واليها مباكم تازنونه
والرفيق الي يدورها عليه بالريالي=مانبي لاماه جعل الي وراه يحول دونه
مانبي منه المكاسب ليت له في راس مالي=والمصيبه عند راس المال خايف ينقصونه
وعقب ذا نستدرج الموضوع واله اول وتالي=ياعميلن كل يوم يجيب لونن غير لونه
يالرويس الكيس مانملاه غار بكل غالي=ون فتلنا البيت صعب الي ورانا ينقضونه
حدها حد الركيب يصيبها مني جفالي=مادريت انا على مس الحبال انا مرونه
قدمها خضنا العيون جذبة منها المدالي=والبحر نسبح معه ونعلم الي يسبحونه
ويش ابي ف الشجره الي لاجمال ولاضلالي=ان نمت والامحلت والعرق الاخضر يقطعونه
والقمر يكبر ويصغر مثل مايطلع هلالي=قدرت الوالي مهي بيرادتن للي يبونه
مار انا بنشدك يشليويح عن شين بدالي=ولاغريبن في سوالي كل شين تخبرونه
ليش يابن العم ما نسمع من الهرج الجزالي=كل ما نسمع كلامن ماومرتو تلزمونه
اتوحى واتنحى عن خفاف وعن ثقالي=من سواتي كان دوره مستمع والكون كونه
استمع لاكن ماجمع في مثل هاذا المقالي=مستواه لقايله ولربعه الي ينقلونه
ون بغيت ارد خالي لين ابرق ف الخمالي=واقرن الالوان بالانوان نونك نفس نونه
لاتغرك ف اي رجل ارياك وافكار الخيالي=وكان عندك عنه صوره خاطيه تحتاج بونه
وعرف الحلحيل مايمشي عليه الاحتيالي=ورجل ماتدري بسده لاتشره في ضعونه
خذ كلام الي من الايام قد وطى وشالي=ولايهين النفس زال الراس شايلته متونه
وانت تعرف كل صاحب كيف يطرب ل الزلالي=والحثال حثال لوزاد الظرم ما يشربونه
مثلك احب العدال الله يبطي بالعيالي=ماتحبونه نحب ونكره الي تكرهونه
كلمتين ارسلتهنه يم ابوزيد الهلالي=وهن عباره عن حذر في سابق امر تعلمونه
الحذر ثم الحذر واخذر قبل الزوالي=قبل اطلع لي كلامن بالاذاني تسمعونه
ف البحر كبر الجبال وكثر حبات الرمالي=مير شوري طايل المشوار عنا تقصرونه
وان حصل شين يحمسنا الرشاء فوق المحالي=والغروب تشوب العد القراح انا زبونه
وكاسب الثنتين رجلن من كريمين السبالي=صاينن دينه وعرضه ياعسى ربي يصونه

المشاركة الأصلية كتبت بواسطة الغضنفر (المشاركة 1268379) صح لسسسسان شاعرنا ومبدع كاالعاده يابو مطر وبيض الله وجهك على الجزله

المشاركة الأصلية كتبت بواسطة تركي ابوسباحه العصيمي (المشاركة 1268389) الشاعر فيصل مطر .. صح لسانك قصيدة وافيه من شاعر وافي ورحمة الله على الشخص اللي ذكرته وعلى جميع أموات المسلمين

المشاركة الأصلية كتبت بواسطة عبدالله جبارالعتيبي (المشاركة 1268390) فيصل مطر صح لسانك كالعاده مبدع

المشاركة الأصلية كتبت بواسطة ابن سلوم الهيلوم (المشاركة 1268444) وعليكم السلام فيصل مطر صح لسااانك متعت ذايقتنا يابو مطر بهذه الرايعه التي لا تقل روعتها عن شاعرها قصيده تحتوي على منهج دراسي كامل في العلوم الغانمه واشارات رمزيه ذكيه استمعت بالتاامل فيها كثيرا شكري وتقديري لك وفي انتظار جديدك

المشاركة الأصلية كتبت بواسطة عايض جزاء العصيمي (المشاركة 1268478) صح لسانك يابو مطر كما عودتنا دائما على الجزاله والابداع تقبل مروري مع خالص تحياتي

والـــرفـــيـــق الـــــــــي يــــدورهـــــا عـــلـــيـــه بــالــريــالـــي=

المشاركة الأصلية كتبت بواسطة فايز بن سرحان الثبيتي (المشاركة 1269193) ون حصل ذالك ثبات الله يزيـن كـل تالـي من يقـرر يعمـرون البيـت والا يدمرونـه بيت من ذهب " صح لسانك يافيصل هجووووم قوي الله يعافينا "

المشاركة الأصلية كتبت بواسطة مجول بن جلال المقاطي (المشاركة 1268670) صح لسانك يابومطر على هذي القصيدة العصماء ابدعت وامتعت كعادتك

المشاركة الأصلية كتبت بواسطة فايز بن سرحان الثبيتي (المشاركة 1269193) ون حصل ذالك ثبات الله يزيـن كـل تالـي من يقـرر يعمـرون البيـت والا يدمرونـه بيت من ذهب " صح لسانك يافيصل هجووووم قوي الله يعافينا "

المشاركة الأصلية كتبت بواسطة أبن حشيان (المشاركة 1268803) الشاعر الكبير/ فيصل مطر صح لسانك واعتلا شانك رايع بكل المقاييس يابو مطر الله لايهينك كما عودتنا دايم الجزل يجيب الجزل تقبل احترامي لك

المشاركة الأصلية كتبت بواسطة المتحد (المشاركة 1269334) صح لسانك يابومطر على هذي القصيدة العصماء ابدعت وامتعت كعادتك لله درك

المشاركة الأصلية كتبت بواسطة سالم الدلبحي (المشاركة 1269367) صح لسانك يامنبع الجزاله تقبل مروري

المشاركة الأصلية كتبت بواسطة فهيد الرويس (المشاركة 1269387) صح لسانك مدد يافيصل تحيتي وتقديري

المشاركة الأصلية كتبت بواسطة سامي المهياء (المشاركة 1269466) صح السانك يا ابو مطر

المشاركة الأصلية كتبت بواسطة خليل هليل الشيباني (المشاركة 1269993) صح لسانكــــ يابو مطر مبدع كالعادهـ

المشاركة الأصلية كتبت بواسطة سعد بن مطلق المقاطي (المشاركة 1270001) فيصل مطر صح لسانك كالعاده مبدع

المشاركة الأصلية كتبت بواسطة عناد الشيباني (المشاركة 1270112) وعليكم السلام وصح السسسسسسسسسسانك ابدعت يابو مطر //

المشاركة الأصلية كتبت بواسطة المفتش (المشاركة 1271619) العـمـــ( راعي الزرقاء)ـــــلاق صح لسانك وسلم بنانك ونظمك ويوحك واعتلى شانك يالعملاق شكرالك على هاذي العملاقه ولاجديد سوى التميز والابداع بكل حرف خطه قلمك بنقشا في صم الصخر ودي لك لاينتهى كمان ابداعك لاينتهي اشواقي لك وقلبي معك