|
يالهيلا استفسار عن الجلاوي
استفسار مهم عن شاعرين وهم سلطان الجلاوي وفلاح القرقاح لم يلعبو مع بعض
بعد المحاوره الاخيره التي حصل فيها نزول شديد بين الشاعرين امام الشيوخ والحضور من الجماهير وخربها القرقاح مع الجلاوي في قصر دسمان بالرياض عام 1431 شهر ثمانيه قبل رمضان وحيث ان محاوراتهم فيها من الند والحماس والقوه ولكن المحاوره الاخيره سببت سقطه تاريخيه من شعار كبار امثال القرقاح والجلاوي ولكن الغرابه ايضا عدم اللعب بين الاثنين والغرابه نقل مثل هذه المحاوره علي اليوتيوب وكأن بهي ناس تتفرح بنزول المحاوره بينهم |
الله اعلم ياسفير الدوله..
.... |
الله اعلم ،.،. ماجانا علم يا سفير
|
الله اعلم ياطيب
|
اكيد عنده ظرف رده عن الروحه ..
|
حياك ياسفير الدوله
بالنسبه للمحاوره الي ذكرت تابعها وتشوف إن الغلط والنزول بـدأ من الجلاوي نفسه والقرقاح حاول حاول ولكن الرجل ينزل بالمحاوره وجاب المطمه والنقطه السوداء كما ذكرت والجلاوي وين والقرقاح وين ؟ حسب ماذكر لي مصدر من القرقاح إنه لن يلعب معه بتاتاً إلا أن يشاء الله . أخوك ... |
أقوووووووووووووول
الله يبقي حبيب العااااااااااااااااااااااااازمي |
سبق وأن أصروا الجميع بعدم اللعب بين تركي الميزاني وسلطان الجلاوي والآن لعبوا سوا والوضع تمام
مايمنع لو لعب القرقاح والجلاوي فيما بعد أسئل الله أن يوفق بين قلوب الشعراء سواً الجلاوي والقرقاح او غيرهم تحياتي |
اقتباس:
الجلاوي لـن يستفيد شعر مع القرقاح مثله مثل زيد العضيله والفائده الشعرية للجلاوي والقرقاح وجميع الشعراء مع الاساتذه مستور ورشيد وحبيب والهاجري |
جميع الاعضاء مشكورين على الردود والاخ محمد العبيدي الحقيقه انا تابعت المقطع وهو موجود في جامعة الهيلا والخطا مشترك بين الاثنين وفلاح القرقاح اتى بالكارثه بقوله ريفه ماتسوى مواطيها وهو ماازعل الجلاوي في تلك الليله وبدا النزول التدريجي في المحاوره حتى وصلت بكلام غير لائق لااستطيع ان اقوله في المنتدى مع الاحترام للشاعرين وحبي لهم شعريا ومشكور يااخ محمد ولك التقدير والاحترام |
اعتقد انهم تقابلوا كثيرا بعدها يا غالي
|
اخ فهد اذا كنت تعتقد فجوال أماسي يؤكد ولايعتقد حيث انهم لم يتقابلو بعدها إلا في حفل المواط في أم رقيبه وكان الشعراء كثر في تلك الليله ومع ذلك لم يلعبوا مع بعض |
الشعار اتوقع ماجمعتهم محاوره ومافبه بينهم اي شي مجرد اشاعات كم سبق عن الجلاوي وتركي ....وغيره
|
الفارس نتمنى نفس ماتقول بس الحزازيات موجوده بين الشعار
|
ياخوي حط المحاورة هنا عشان نحكم على المحاورة
لا تقول فيها نزول كثير مقدر انزلها اغلب محاورات هالجيل كذا ننتظرك |
اخ عزام إذا سمح المشرف على المحاوراه سأنزلها من شان تحكمون أما اناوالله ماكان ودي انزلها حتى لدرجة أن الاثنين تجادلو وفي نفس المقطع وبكلام حادو القرقاح يبري موقفه والجلاوي يلومه على ماحصل من كلام وفالاخير يعتذر القرقاح على الميكرفون ويقول الكلام الواطي نكرم ويكرم عنه الجلاوي ويكرمون عنه الرجال ولكن جات وحده بوحده مشكور عزام |
اخ عزام ماكان وي انزلها لكن اسمع ولك وللمشاهدين الحكم ببداية الخطا من اي شاعر
http://www.youtube.com/watch?v=A40fH2RVxfA |
يبدولي ان القرقاح نزلها بكلام غير لائق وكلام مرتخي مشكور ياسفير |
القرقاح يتراعد وقال خني اخربها وانسحب
|
اقتباس:
يبا يموت الحمار احمار جدتك وانته تحاليها يستاهل القرقاح هو الي جابها على نفسه صراحه استغربها منه فلاح واستغرب بيته الاخير مايقوله مبندي جاهل وقدام رجال وشيبان وخاف من رد الجلاوي وانهى المحاوره يعرف ان ولد مشيب بيوصلها العضم صراحه لو من الجاهل ابن شايق المهايطي ماستغربها بس من فلاح غريبه جدا؟؟؟ |
الصراحه القرقاح أخطا خطا فادح والجلاوي كذلك ولكن نسبه عن نسبه الجلاوي حين بدا قال جدتك لاعاد تطريها معنى ويرد ابن ريفه بالنزول بقوله ( وريفه ماتسوى مواطيها ) أجل ابن مشيب مايسوى ريفه لاو الله يسوى قبايل ولكن واستغربها من ابن ريفه والغرابه ايضا كلامه الاخير كلام ما احد قاله في المحاوره مباشره وعلى هذا كله يضحك |
القرقاح معقولية صغيره والدليل الكلام الي قاله ولا احترم زميله واصحاب الحفل
وهذا طبع القرقاح حتى تذكرون محاورت ه مع تركي يوم يرمي الشماغ قدر يستفزه شاعر مبتدى حتى قام ينخى ومابقى الا يبكي |
الحفل كنت حاضره
وحصلت على شريطها فيدبو بعد وعود من المكتب بعدم نشر الشريط وكان الكاسيت مقطوع منه هذه المهاترات الحقيقة استغرب كيف سرب الشريط وتمنيت ماحد نزل هذه المحاورة الساقطة وستر المسلمين اولى من نشر سقطاتهم وهي كانت لحظة شيطان |
والله انا مصدوم من القرقاح
ولاتوقعته يسوي كذا ابدا ابدا |
يارياجيل لاتتوقون علم زين من شعراء اليوم
راحت العلوم الطيبة مع الاولين يالله دخيلك من اول نقول المعنى وقوة المعنى وعودنا نقول الالحان وتقليب الكلام ذلحين ليتهم يلتزمون الادب مع الله والناس الله يخلف علينا تحياتي للجميع |
مشكورين الاخوان على الردود وبالفعل كما قال الاخ فهد الزهراني سمعنا الشريط كاسيت وكان
الكلام النازل لم يذكر ولكن سربت المحاوره بطريقه خفيه مع العلم الحفل عتبان وبالاخص حفل الغدرا الشيباني ربع الجلاوي ومع ذلك فلاح القرقاح لم يحترم اصحاب الحفل والحقيقه سمعت بعد هذه المحاوره موال بين حمدان العصيمي وفلاح القرقاح وكان حمدان يلومه على ماقال مع الجلاوي يقول حمدان ياجب انك ترفع الرمي قدام النزول مايجي للهينه غير جاهل ومهبول اعتقد مالله موفقك في كل الحلول ( ياحصاة رزاح طيحي على راس اللذي ) رد القرقاح العلوم الجزله اطرب لها واضما واجوع وانتظر حزاتها من ربوع اليا ربوع والتقدم يالعصيمي ماعقبه من رجوع ( ياحصاة رزاح طيحي على راس اللذي ) |
أول مره أشوف مطوع قادح زي كذا واصلا القرقاح ماهي اول مره ينزلها قد قال قبل للشاعر محاوره كبير ومعروف اللي على ثوبه علامات الصليب * ماهو على راسي لكن حدر قدمي وقد خربها مع تركي حتى قال انك ورع الشكوكه والمايونيز زعل تركي ولكن بعدها عدل وضعهم ملفي بعد طلبه للاثنين في محاورة الغاط |
الصراحه القرقاح شآعر كبير ؤلكن بعض الكلام ما له لزؤم ابدا ..
ومشكلة القرقاح ان جاء معا المغنين غنا وان جاء معا المصلين صلى .. اما سلطان معا احترامي له ما عمري سمعته ينآقش معنى هآدف بالمحآؤره .. تحيآتي |
القرقاح مطوووع زاحف ماعنده مشكله ولايجيبها ألا من السر وتحت صحيح انه أزعل شعراء كثر ولاكن الحقيقه انه انسان مقبول من شخصيته وتحس انه رجال ريجيل ولكن فالحقيقه ان الجلاوي زعل من كلامه حتى من اسلوبه ونبرات الكلام يبين انه زعلان اما فلاح ما زعل حتى يوم الجلاوي قال الكلام الاول والدليل فالمقطع يوم ضحك في بيته اللي قال فيه الخمار وكلهم اخوان وعلى العين والراس وكلها مزووووح ولكن مزح المطاوعه غير ههههههههههههههه |
مشكورين الاعضاء على الردود ويبقون أعلام في شعر القلطه وهاذي ابيات مزززح وفكاهيه ولاتنقص مقام القرقاح والجلاوي شكرا للجميع |
مشكور ياناصر الجذع تقبل فائق تقديري واحترامي |
| الساعة الآن »08:29 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd