يانجم ياللي بالسماء بادي على حيد = منت الجدي ولا انت بسهيل اليماني
وش شفت يوم انك تراقب صحصح البيد =غير النموره والذيابه والحصاني

رد السلام إن كان ودك تطلب الفيد=ياصاحبي عثمان ياراع السماني
شفت العقارب والثعالي وأنت بالحيد=تجمع عشر وتردها ست وثماني

املا حزامك بالرصاص ابو عباريد = ثم ارم ابه يشار والجيش الايراني
اباك في صفي تكيد المعتدي كيد = وانته على ذبحتك يالنجم تداني

لا تشتقي به دام حافوه الصناديد=ياسرع ما ظلى تحت حد السناني
بكره يجيك العلم ياراع البواريد=يجيه ما جا لمعمر بالزماني

اذياب لا منه وقف في جنب او زيد =قضوا على جيش العدا باربع ثواني
قبل حلول العيد لاتعلن العيد=العيد محد يعلته قيل ارمضاني

ذياب حد السيف بكره رايح الصيد=رافقه والا لا تجادل باللساني
إرتاح والبس ثوبٍ أبيض شيك وجديد=العلم واضح للعقول وللعياني

جعلك على القوه يا مفتول العجاريد =احسب حسابك ما على الدنيا ضماني
من دوننا خابرك منته برايح بعيد = تسرح من السيل وتعشي بالمحاني

المشاركة الأصلية كتبت بواسطة غالب الذيابي (المشاركة 1268317) : : : : : صحت السنتكم ياعثمان ويالنجم.. واصلوا. : : : : :

تعرف بحالي ماني براعي مناقيد=أمدها وأخذ كماها باليماني
خلك بشق البيت لا سيد ولا سيد=ماأنته بحافظ لا حديث ولا قراني

انت ونعم عند الصوادر والمواريد = وانا ليا دورني المطر لقاني
عيش بذرانا بالثياب ام المحاريد =والحرب حنا اللي نخوضه من زماني

عندي خبر ماجاك ياعثمان تهديد=وأنته مجلينا بصوتك ما تداني
ترى النحل ما علته غير السواريد=تفنيه لامن حافته قاصي وداني