|
ما خلق بارد ذراع الا ردين في محله
السلام عليكم اخواني الافاضل أعضاء وزوار منتدى الهيلا عتيبه الشامخ بوجودكم موقف وماجادة به القريحه آمل انتحوزعلى رظاكم ودمتم بسلام مع تحيات اخوكم (فيصل مطر) |
صح لسانك يابو مطر
تقبل مروري تحياتي لك |
يعطيك العافيه ويشرفني مرورك على مواضيعي
|
ياالخروف الي معه طارن يبا حوش الذبايـح
يدفـعـونـه لـلـفــلاه وكــــل يــــوم مـدرعـمــن لــــه صح لساااانكـ شاعرنا الرائع على هالجزاله التي ليست الا امتداد لسابقتها من جزال |
اقتباس:
صح بدنك يابوجزاء وشكرا لمرورك الرايع والمشرف تحياتي |
اقتباس:
وياك ياخي الكريم تشرفت بالمرور على موضوعك واعجبني مشكور تحياتي |
اقتباس:
الشاعرالقدير/محمدالذيابي صح بدنك طال عمرك وشكرا لمرورك الرايع والمشرف دايما محل تقديري واحترامي تحياتي |
فيصل مطر كالعاده مميز .. فصح لسانك .. ولاهان رأسك أحترااامي |
انت عارض(ن) الجناب لحد سيف وضرب سله نص شديد اللهجه ويلا لمن تهجوه ياالعملاق وصح لسانك حتى ترضى تقبل مروري بكل الود |
الشاعر اكبير / فيصل مطر
صح لسانك يالنشمي والله لايهينك تقبل مرور اخيك المحب لك |
صح لسااااااااااااااااااااانك على الرائعه
|
صح الله لسانك صح الله لسانك
مليــــــــون جزل يافيصل ومبدع لك ودي وتقديري |
اقتباس:
الشاعرالقدير/سعدالمسعودي صح بدنك والمميزذوقك وشكرا لك على مرورك الرايع والمشرف ولاتهون تحياتي |
اقتباس:
صح بدنك وشكرا لمرورك الرايع ودايما واطرآك العذب محل تقديري واحترامي تحياتي |
اقتباس:
الشاعرالقدير ابن حشيان صح بدنك وشكرا لمرورك الرايع يابوخالد تحياتي |
اقتباس:
صح بدنك يابومطلق وشكرا لمرورك الرايع لاهنت تحياتي |
اقتباس:
هاذالنص الموجود ومن المعروف ان الهجاء والمديح ابرز امرين عرف بهاالشعر بانواعه العربي والعامي والمحاوره ولاكن اسمح لي اقوالك ان فيه ناس حاولو يصيرون شعراء وفشلو وراحو يسبون الشعراء وحاولو يصيرون مطاوعه وفشلو وراحو يسبون المطاوعه وكلامك يوحي للقاري بوضوح ان عندك غيره على شاعريتي بتهجمك على شاعرية القصيده نسيت ان غرضك النصح وليس الشعر ونقده اخوي اشرب مويه بارده ونم وشكرا |
اقتباس:
صح لسانك يابومطر وانت شاعر متمكن وصاحب اخلاق عاليه ويفترض ان ترفع عن الرد على بعض الردود الحاقده الى الامام يافيصل وصح لسانك يالين ترضى |
اقتباس:
صح بدنك ملاييين ياخوي عبدالله والله لايهينك شكرا لمرورك الرايع واطرآك العذب محل تقديري واحترامي تحياتي |
صح لسانك ياطيب
|
اقتباس:
صح بدنك ياراع الصدق وشكرلك على الشهاده لي بالخلق قبل الشعر وشهاده من شرواك محل فخري واعتزازي لاعدمتك ومثل ماتفضلت ماكان اردوالله وهاذا الصحيح لاكن لاتنسى اني اوضح لغيره دون الردعليه لاكثر ولاقل, وشكرا لنصحك اخي الكريم محل تقديري واحترامي تحياتي |
اقتباس:
صح بدنك وشكرا لمرورك يالطيب لاهنت تحياتي |
صح لسسسسسانك يابومطر مبدع في جميع انواع الشعر
|
الشاعر فيصل مطر
لقد اسديت اليك النصيحة وهذا واجب المسلم لأخيه المسلم ولم أتطرق لعيوب القصيدة أملا بأن مثل ما قيل تكفيك االإشارة ولكن ردك يبدو منه أنك لم تقتنع وأعتقد ينطبق عليك ما قلت (فيه من حاول يكون شاعر فلم يستطع فصار يذم الشعار) لذا وجب التصريح طالما لم يكفيك التلميح اولا : بمروري السريع لاحظت أن معظم من أثنى في تصوري ثناء مجاملة فحسب الأبيات من حيث المعنى الأدبي فهي ذم واطي يترفع عنه كل ذي عقل فما بالك بشاعر يدرك مدلول الكلمات النص اقل من جيد في أجوده وسواقطه أقل من الساقط ياالخروف الي معه طارن يبا حوش الذبايح=يدفعونه للفلاه وكـل يـوم مدرعمـن لـه أولا كلمة خروف لو قاضاك بها من قصدت شرعا لعزرت بها ثانيا: لماذا أضفت النون الى كلمة(طارن) هل القصد (طاري) والا تحوير (لطير) اذا كانت الأولى فالبيت يستقيم بدون النون ياالخروف الي معه طاري يبا حوش الذبايح=يدفعونه للفلاه وكـل يـوم مدرعمـن لـه ثالثا: هذا البيت انت من تعزراء علاه ومن تبي تهد النصايح=ماحدك سمانها عـن طـق بيبـان المذلـه الشطر الثاني مكسور ولا أعلم هل بسبب خطأ املائي والا الكسر عن جهل رابعا:هذا البيت والزراياء مزرت الا الي مهب الريح طايـح=ذرقنه عقب ذرقه ف الشجره الـي تضلـه الشطر الأول به خلل بالوزن لخطأ املائي او ثقل لا يستقيم معه الشطر اما الشطر الثاني فهو قمة الإنحطاط الشاعري والأدبي خامسا: هذه الأبيات مار فارقني لا طلع ريحتك ياأبـا الروايـح=والله انا مانديرك غيـر نلقـاء فيـك علـه انت ياوجه الرخمه الي تحوش من الفضايح=سودالله وجهك الي كل سوداء عادتـن لـه والله انا مانبـا الرخمـه يعشينـا الذبايـح=ولاخلق بارد ذراع الا رديـن فـي محلـه هنا(يا أبا الروايح)الأبوة والبنوة لا تستعمل في مثل هذا المكان فهي أسمى والأفضل لو قلت(يا راع الروايح) كان أفضل كما احتوت على كلمات لا تليق بشاعر مثل: اطلع ريحتك...ماذا تقصد بها؟ الرخمة ...سود الله وجهك... الفاظ ردئية جدا وكان الأفضل تسبدلها بألفاظ اخرى رمزية تؤدي المعنى هذا الشطر فيه صورة شعرية جيدة لا بأس بها ولاخلق بارد ذراع الا رديـن فـي محلـه عموما مثل هذه النصوص يقع اللوم على مشرف القسم الذي يمررها فهي تؤدي الى الانحدار بالذائقة الشعرية |
الشاعر فيصل مطر
صح لسانك على ما بذلت من جهد بأبياتك الأبيات فعلا بها خلل كبير مبنى ومعنى ومن قال بغير هذا فأحد أمرين اما أنه يجامل وبذلك يضرك ولا ينفعك او أنه مثل ما قلت ببيتك ياالخروف الي معه طارن يبا حوش الذبايح=يدفعونه للفلاه وكـل يـوم مدرعمـن لـه لم أجد من صدقك القول غير رجل واحد الأ وهو سعد حميد الثبيتي الذي لا تأخذه بالحق لومة لايم والساكت عن الحق شيطان أخر أمل أن تقبل وجهة نظري بروح رياضة وشكرا لك |
اقتباس:
الغضنفر صح بدنك وشكرا لمرورك الرايع والابداع بوجودك ياالليث تحياتي |
اقتباس:
هههههههههاي الريحه طلعة لاكن بردت حرتك والاباقي والله ان تبطي عظم اخوي شف واحد على مستواك ولت واعجن معه على كيفك؟ وشلك ولي الله هداك؟ قرنك عوج وأدور الظلع الطويل وتنطحه الخلا |
اقتباس:
نصيحتي لك الاخويه ويعلم الله علام الغيوب اني صادق ؟حاول تصدق مع نفسك اول شي وتراك ان صدقت وان كذبت عليها قبل ماعلى الناس والشفاعليه نقاده والناس بعقولها وتدري بمظمون ماتقول وماتقصد انهى,, اخوي اناقابل نصيحتك بروح رياضيه %بس اتحداك تقبل مني بالمثل لاني ابي اطب على الجرح واحملك مالاتستطيع الاماشاالله جلة قدرته اخوي نقدت البيت واناقول النضرمهب بيني وبينك لان البيت الي النضر للاخوه الشعراءفي ذالك واناوالجماعه الي صححولي نقريكم السلام ونقولكم انت ومن معك انقضوالبيت واناسامح لكم تردون قصيده كامله عليه وان نقضتوه شعرياوشهدوبذالك الشعراء الاعضاءبنقضه انا اعتزل كتابة الشعر والليله انتظر تشريف شاعريتكم ودمتم كماتحبون |
اخوي انا ما نقدت بيتك
ولا بيني وبينك تحدي ولا خلاف انا قلته كمثل لمن يجامل بدون علم ارجو تدقق بتعليقي السابق زين وأنت ومفهوميتك اما النقض فهذا شأن أخر |
اقتباس:
الكلام موجود لاينتعدل ولاينتبدل والي عقبه مالي فيه لزوم وكيف ؟اما النقض والفتل شان آخر؟ سلامات والشان الاول وشهو,,اللت والعجن والقول الفارغ الي يشغلنابدون فايده لالالا النقض والفتل هوالشان والي ماغيره اناماعندي هنا الاكتب شعر واقراء شعر وانقد شعر وآخذواعطي بهاذا الشان على البرهان ولاعندي اي كلام مع من كان خارج هاذا الامر والعاقل مايقدر يقول شي ويطلع منه بها البساطه؟ والاماكان القول يهم احد ايذا كان الخروج منه متاحا سلمك الله تحياتي |
بسم الله الرحمن الرحيم
اولا صح السانك يافيصل ثانياً ارجوكم كفو عن الجدال الذي لايرجى منه فايده كل ادلا بدلوه واختلاف الراي لايفسد للود قضيه ثالثاً احب اذكركم انكم ابنا عمومه تربطكم روابط القرابه والنسب واخوة الاسلام وقد قال الرسول صلى الله عليه وسلم من عفا واصلح اجره على الله تراني طالبكم انهوا الموضوع واكون لكم من الشاكرين دمتم بخير وعافيه |
اقتباس:
وكلمة الخلا مهما بلغت شدة النقاش وش موجبها ويكرم منتدى الهيلا واعضاءه الكرام عن مثل هالكلمه واختلاف وجهات النظر وارد في كل شي ليس في الشعر فقط والشاعر عليه ان يتقبل ارائ مخالفيه بصدر رحب طال ماانه في حدود الادب واتركو الجدال مامنه فايده تحيتي وتقديري |
اقتباس:
الاخ الكريم:عثمان الثبيتي حياك الله تحية المطر ونقول اولا صح بدنك وشكرا لمرورك الطيب يالطيب ثانياوالله ياخي انالاجادلت ولانقزت على حد انامنقوز في طريقي بالغلط ومن حقي ادافع عن نفسي بالصح علماباني متقصر واجد وتقديرا لطيب وتقليل من شان غيره وبعدين الرجل الي كلامه مهب مقبول ويردده هذا صاحي كان صاحي اسمحوناوعموماتقديرالك من ناحتي اعتبرالموضوع منتهي مع التحيه |
اقتباس:
شكرا جزيلا لك اخوي فيصل هذ يدل على طيبك ولا يقدر الرجال الا الرجال شرواك والرجا كل الرجا من الاخ الشاعر النجم والاخ الشاعر سعد ان يحذو حذوك وينهون الموضوع وعلى قول المثل يادار ما دخلك شر |
اقتباس:
شكرا يالرويس معقوله ليه لا |
اقتباس:
اخي حفضك الله وراء ماأسديت لنفسك منها شي ياحسره هل تعقل ماذا تقول ياخي لايختلف اثنان على الزبده انك مسوي فيهاشاعروطب عليك شاعرفحل تظيقبه صدورفطاحلة الشعراء المخضرمين في الملاعب وشعره على لسان كل صاحب ذوق لسلاست لفضه وجزالته وصلابة قافيته وغمق معانيه ومصطلاحاته المشفره والتي انفردبها دون منازع ولاحديستطيع حتى تقليدهاالشاعرالعملاق راعي الزرقاءوهوالشاعرالوحيدالي تحدى احدا يتجرى على سرقة قصايده لمايثبت ذالك من البصه الفريده لشاعرفيصل مطروالمشهور براعي الزرقاء اخي اقسم بالله لايختلف على حسدك له الامجنون ويعني هاذي نتيجه طبيعيه لوجوده مع كل من يدعي الشعروهوالشاعرالي كان جميع الشعراء ليسوالامدعين بالشعرلاشعراء اجدربك ان تسدل شيامن نصايحك على نفسك وتآسف لمابدرمنك تجاه شاعرجديرباحترام كل صاحب ذوق وانت لوافترضناغيرهاذاقلنامجنون لاكن هاذالوقع واحيان مرارجوتقبل نصيحه من جد وليس كلمةحق يرادبهاباطل |
اقتباس:
صح لسانك يالعملاق مره اخرى دمت متوهجافي سماالابداع كاعادتك ياراعي الزرقاء واشواقي دايمشكله يحسبك تشرح له عن القصيده خذراحتك ياراعي الزرقاء اقطع من جنبها وحط في فمه لاين تقر تحياتي تجاهك كماهي وانت كماك يخليك ربي يابومطر |
~~~~~~ فيصل ~~~~~~
صح لسانك وقلبك وكلك انت شاعر جزل ومعروف ولا يلحق محبينك شك في شعرك واصل ابداعاتك ولايهمونك الحساد والمتطفلين على الشعر دمت ودام ابداعك |
بصفتي مشرف القسم ساطرح رأيي الشخصي في القصيده بكل تجرد "
بغض النظر عن موضوع القصيده الذي لا احب ان اخوض فيه لحساسيته وخصوصيته بالنسبه للشاعر رغم النزووول الواضح في كثير من الكلمات المستخدمه في القصيده ولكن شعر الهجاء لايخلوا من كل هذا يبدوا ان هناك اخطاء املائيه فادحه اخلت في اوزان بعض الابيات ومن هنا نشأ الخلاف وليس الاختلاف امثله على الابيات المختله الميزان : كل ما لاح ألك وجه الذيب عطيت الصوايح عابسن وجهك مهب مثل الوجيه المسفلـه لاتخم ذبابة السيف انتبه وين انـت رايـح انت عارضن الجناب لحد سيف وظرب سله انت من تعزراء علاه ومن تبي تهد النصايح ماحدك سمانها عـن طـق بيبـان المذلـه والزراياء مزرت الا الي مهب الريح طايـح ذرقنه عقب ذرقه ف الشجره الـي تضلـه |
اقتباس:
انت مشرف قسم القصايد مفروض ان يكون عندك درايه تامه بالاخطاء الاملائيه وتعديلها لانك تتعامل مع جميع طوائف المجتمع التعليميه يوجد الشاعر المتعلم ويوجد الشاعر الامي الغير متعلم طيب الشاعر الغير المتعلم نقوله لا تكتب قصائد رح اول شئ وتعلم القراءه والكتابه او من حقه ان يكتب الشعر مهما كان مستواه التعليمي طيب والاعضاء الذين لم يفهمو القصيده من الاخطاء الاملائيه اليس هذا من دور المشرف ان يعدل الاخطاء ويفهم الذي لم يفهم والسلام للجميع |
| الساعة الآن »04:05 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd