يامل قلب(ن) يسج وفيه هوجاسه=من واهج(ن) فالضماير شب حاسوسه
قلب(ن) له سنين هجسه يشغل احساسه=يدق به بين حين وحين هاجوسه
يصر مثل المحال ويمرس امراسه=نوب(ن) ينوس الهموم ونوب(ن) تنوسه
والصدر به ضيقة(ن) وادنات ماحاسه=من علة(ن) كملها بالصدر محبوسه
يالله ياللي خلقت الكون واوناسه=ياخالق الكون محصي جملة نفوسه
عنا على الوقت هاذا واكفنا باسه=وقت(ن) على الطيبين يحدد ضروسه
وقت(ن) فهوده جياع وشبعا بساسه=معاد تاكل سيوفه عيش مع موسه
مدري من الوقت ولا العيب من ناسه=اشوف انا كل حاجه فيه معكوسه
معاد نعرف ذنبه اليوم من راسه=اذنابه اللي منول عودت رؤسه
لبس الردي فيه ثوب(ن) ماهو لباسه=لقى من يخبنه عليه ويقوسه
لو كان مهوب ويا الطيب من ساسه=جاء طيب اليوم عقب كثرة فلوسه
صارت تعبده رذال الخلق وخساسه=اعبادة(الهندي) السيخي لجاموسه
كل(ن) معه شايل(ن) طبله ومرواسه=وتشجعه طائفة سيخه وهندوسه

المشاركة الأصلية كتبت بواسطة عايض جزاء العصيمي (المشاركة 1264468) يامل قلب(ن) يسج وفيه هوجاسه=من واهج(ن) فالضماير شب حاسوسه قلب(ن) له سنين هجسه يشغل احساسه=يدق به بين حين وحين هاجوسه يصر مثل المحال ويمرس امراسه=نوب(ن) ينوس الهموم ونوب(ن) تنوسه والصدر به ضيقة(ن) وادنات ماحاسه=من علة(ن) كملها بالصدر محبوسه يالله ياللي خلقت الكون واوناسه=ياخالق الكون محصي جملة نفوسه عنا على الوقت هاذا واكفنا باسه=وقت(ن) على الطيبين يحدد ضروسه وقت(ن) فهوده جياع وشبعا بساسه=معاد تاكل سيوفه عيش مع موسه مدري من الوقت ولا العيب من ناسه=اشوف انا كل حاجه فيه معكوسه معاد نعرف ذنبه اليوم من راسه=اذنابه اللي منول عودت رؤسه لبس الردي فيه ثوب(ن) ماهو لباسه=لقى من يخبنه عليه ويقوسه لو كان مهوب ويا الطيب من ساسه=جاء طيب اليوم عقب كثرة فلوسه صارت تعبده رذال الخلق وخساسه=اعبادة(الهندي) السيخي لجاموسه كل(ن) معه شايل(ن) طبله ومرواسه=وتشجعه طائفة سيخه وهندوسه

المشاركة الأصلية كتبت بواسطة ابو حسام الغنامي (المشاركة 1264601) وقت ن فهوده جياع وشبعا بساسه الله الله يابو جزا كل ليله تتحفنا بقصيده جميله صح لساااااااااااااانك مليون وكفانا الله واياكم شر هذا الوقت