ياهجوسي وقفي للزوم وساعديني = ساعدي حالٍ من الوقت زايدتن غبونه
عبري عن واقعه لين مكنونه يبيني = دام شعرك مع هل الشعر ماتجهل لحونه
التزمت الصمت مده عسى حالي يزيني = مير مافاد التزامي ولاجاء في يكونه
والصبر كمل ولالي بعد صبري عويني = اتحيزم به ليا من وضعي ضاق شونه
حالي اللي قامت تقالبه غبر السنيني = الدهر مع كل بادي يكشر لي سنونه
والظروف تحوفني من يسار ومن يميني = لين جسمي من تزيادها ثقلت متونه
يازماني ليه تقسا علي ولاتليني = وفوق رديان العرب جانبك كله ليونه
لين شاخوا تالي ايامك قصار اليديني = وكل واحد من غروره منافيصٍ عيونه
والله اني مع هل الطيب ماتقصر يميني = اصل اللي قاصرين الجدا ماياصلونه
لكن الحظ الردي بالنحاسه يحتريني = لابغيته قام يسحب على دربي ردونه
لين رزقي كل مابان الي قدام عيني = حالوا الحساد دونه وحال الياس دونه
يالله انك لاتخيب رجايه يامعيني = انته اللي من رجاء فيك ماخابت ظنونه
والا خلقك جلهم شامتين وحاسديني = عيدهم لاشافوا الكفو تغشاه المهونه

المشاركة الأصلية كتبت بواسطة عايض جزاء العصيمي (المشاركة 1261318) صح لسانك مليون والله انك صادق تحياتي لك

المشاركة الأصلية كتبت بواسطة محمد الذيابـــي (المشاركة 1261374) ,, صح لساانكـ مليووون,,

المشاركة الأصلية كتبت بواسطة سهيل 1 (المشاركة 1261387) وزن وقافية ومبنى ومعنى رووووووووووووووووووووعة ! صح لســــــــــــــــــــانك .

المشاركة الأصلية كتبت بواسطة فهد العازمي العتيبي (المشاركة 1261395) َ صح لسانك ولاهنت .

المشاركة الأصلية كتبت بواسطة عبدالله جبارالعتيبي (المشاركة 1261694) مجول المقاطي صح لسانك وبيض الله وجهك

المشاركة الأصلية كتبت بواسطة شاعر الدرع العربي (المشاركة 1262002) صح لسانك شاعرنا قصيده رائعه لك خالصــ تقديري ــٓــ