ملك المحاورة وشاعرالهيلا
 

طاروق جمع ملك المحاورة وشاهر الهيلا والتحليل عند ابو فايح

http://www.youtube.com/watch?v=6EPjdT9Byto

حبيب العازمي:

يامرحبا والمعازيب الزراريق
والعازمي ضيف كنه في محله
يازبن جاك الفرج لاتشكي الضيق
نبا نسلمك ورث العود كله

زبن القاضي:

دام البقاء في محلات المطاليق
والمزحمي كل عملك فاطنله
فنجالي اول دلال الكيف لاسايق
والكيف يكفي منه فنجال دله

حبيب العازمي:

اليا حصل في زمانك قل توفيق
اهون تعقد الحبل والا تحله
تكيفو فالدلال وفالاباريق
والقصر لولا البنا ماطال ظله

زبن لقاضي:

مازال راسي هنا مايحلقك ضيق
احجاجك اللي تعقده حان فله
الليله اظهر كنينن فالمعاليق
ويات دربن)تحبه جاهز(ن)له

حبيب العازمي:

ياماني نساني مكاني فالشواهيق
اللي على حرة الروقه مطله
قدام فك الصدور اللي مغاليق
ندري عن اللي معه فالصدر عله

زبن القاضي:

انا شهد انك كفو مافيك تبريق
واللي تغيب ماندري وش حصله
أن زاد ملح الطعام اكيد ماذيق
وليا نقص عفت زاد البدو لله

حبيب العازمي:

لو راس مالي ريالات وتفاريق
يمديك ماشفت وجهي فالمجله
والله لاقعد مثل وسم المرازيق
للي يلف ويدور وفيه خله

زبن القاضي:

حقق مع المتهم باسلوب تحقيق
وأن كان مانته محقق معه خله

لبى ابو فيصل ولبى طاريه
صح منقولك وصحت السنتهم
محاوره روئعه
ولكن الغريب

دام البقاء في محلات المطاليق
والمزحمي كل عملك فاطنله
فنجالي اول دلال الكيف لاسايق
والكيف يكفي منه فنجال دله

لاسايق مسببه خلل في القافيه والمعنى
والله اعلم
بنتظار ابو فايح

ماجد البيت ليس فيه خلل في القافيه لكن الطباعه خطا لان البيت كذا

فنجالي اول دلال الكيف لاسيق

وبيض الله وجه ابوفيصل وابونهار عز الله طاروق عمالقه لله درهم

حبيب شاعر قيادي وخاصة انه بدأ الطاروق فمن الصعب تحليل المحاورة

طاروق مميز وتشكر عليه

,,


لا هنت يالغالي,,

اذا صار حبيب يلعب

حتى لو انه مع شاعر مبتدي اعلم ان الطاروق ناجح

حبيب العازمي يخلي خصمه يبدع معه

وانا اشوف اكثر الشعراء كبار وصغار يستمتعون بوحود حبيب فالملعبة ولايتعذرون عن المجي

صح لسان حبيب


وصح لسان الفاضي



ولاهنت على النقل

صحت السنتهم جميعا

وسلمت يداااك

والله مدري عودهم اللي يبى يارثونه منهو ؟ :)

َ


صحت آلسنتهم جميع

ولاهنت اخوي .

صح لسان الشاعرين

وتسلم على النقل

تحياتي

يالربع هدوء اللعب شوي



زبن شاعر الهيلا



ومن حصل على شي يستاهله


نكايه في فلان ولا في علان شي مالنا دخل فيه



المهم ختم ابوتركي مستور العصيمي :d


ما حنا والله باعرف من مستور العصيمي


الله يطول عمر ابوتركي وابوجميل على الطاعه

لاهنت ياطيب على نقل المحاورة ياطيب



ودي و تقديري

لاهنت وبيض الله وجهك