الليل موحش والفضا هادي وكون الله فسيح=والارض صفحة كون والانسان نقطه من قلم
وانا لحالي يا سكون الليل والعبره تصيح=لا جيت اصارعها تدافع خوف والسد انهدم
صابتني سهوم الجهل واقوم من جرحي واطيح=احاول الملم شتاتٍ عاش واعياه الوهم
والذنب هيمن واتبرى منه وفوادي جريح=اليا ذكرت الله تساقط كل صرخاتي ندم
على زمانٍ فات يضحك لي طرب مع كل ريح=طفلٍ غرير تغره الضحكه و يقعد يبتسم
ما كنت احسب انه يخادعني و يتركني طريح=اداعب اشواقي طرب و اصارع جروحي الم
حتى طموحاتي تقول اني على النهج الصحيح=اخيل برّاق الامل واموت ظامي من عدم
والياس يعزلني عن الدنيا ويبني لي ضريح=حتى شعرت اني وصلت لمرحلة سن الهرم
ودي يادنياي انتهي وانا ضمير مستريح=واكفر الذنب الذي سيطر بقلبي واعتصم
من شان يومٍ ما يفيدك فيه صيت ولا مديح=اما على دار النقم ولا على دار النعم

مـن شـان يـومٍ مـا يفيـدك فيـه صيـت ولا مديـح=امـــــا عــلـــى دار الـنــقــم ولا عــلـــى دار الــنــعــم

المشاركة الأصلية كتبت بواسطة محمد الذيابـــي (المشاركة 1259402) صح لسانك و إعتلى شأنك قصيدة جزلة من شاعر جزل ,,,

المشاركة الأصلية كتبت بواسطة حمود بن خيشوم العصيمي (المشاركة 1259432) الشاعر مشعل الجعيد صح لسانك وسلمت يمينك

المشاركة الأصلية كتبت بواسطة ابو فايح (المشاركة 1259481) مـن شـان يـومٍ مـا يفيـدك فيـه صيـت ولا مديـح=امـــــا عــلـــى دار الـنــقــم ولا عــلـــى دار الــنــعــم الله يرحمنا ويغفر لنا خطايانا صح لسانك يا مشعل مبدع كما عهدناك

المشاركة الأصلية كتبت بواسطة عيضه الثبيتي (المشاركة 1259482) ياسلام عليك رائعه صح لساااانك تقديري

المشاركة الأصلية كتبت بواسطة مشعل جويبر الجعيد (المشاركة 1259380) جديدي اتمنى ان يعجبكم ما كنت احسب انه يخادعني و يتركني طريح=اداعب اشواقي طرب و اصارع جروحي الم حتى طموحاتي تقول اني على النهج الصحيح=اخيل برّاق الامل واموت ظامي من عدم والياس يعزلني عن الدنيا ويبني لي ضريح=حتى شعرت اني وصلت لمرحلة سن الهرم وسلامتكم