يا سلام الله على اهل الطايله ذخر القبيله=عزوة(ن)يامن بها الميقاف من جدّ(ن)وجدّا
اسمحولي يا عتيبه:"كل شاعر من قبيله"=ووالله انّي ما اتعدّى دام خصمي ما تعدّى

مرحبا ترحيبة ٍ فيها الكرامه والفضيله = قبلها نبدا بذكر اللي على كلش مبداّ
الله انه يقطع اللي مايجنبها الفشيله = والرجال الطيبه صوب الرديّه ماتردّى

البقا والمشرف الخصام ما هذا بليله =احسن انه يذكر الرحمن قدام اتحدى
علّموا اللي من زمانه يسبر البرق ومخيله=يلتفت يم البعيد وللقريّب ما يلدّا

علّموا اللي من زمانه يسبر البرق ومخيله

المشاركة الأصلية كتبت بواسطة مرزوق العتيبي اصلح وزن بيتك يالمسري...

ان دخلت السوق مادوّر على سوق الهزيله = هامتي فوق السحاب وللرياجيل اتصدّى
يالمسرّي لاتقربها على خشم الفتيله = ثم عليك ان ماتعشيت اعرف اني بتغداّ

ما نذمّك يا عميل(ن)ما تباعد عن عميله=والذي مثلك نحنّه لا يظام ولا يحدّى
ضلع شمرخ لا تحسب ان الزمن يقدر يزيله=مير لو شدّت طميه لا تحسبنّه يشدّا

انت ماعندك مذمّه وانت مافي يديك حيله = استمع في هرج عمّك ثم قلّه يالمفدّى
يالقعود اللى مع اكبار الجمال يهز ذيله = لو جعلت الحمل فوقك ماتحملت المكداّ

من سنه مرزوق يبغى يعدي براس الطويله=حالف(ن)لاقطع يميني كان يا عتبان عدّا
لا تعلمني بوصفك مثلك وأنته مثيله=ما عليه من الحموله لو على ظهره نشدّا

ياحليله هالغليّم في طموحه ياحليله = الطويله معتليها يومك اصغيّر تهداّ
ان بغيت الصدق مثلك صاحبي ما ابغى بديله = بد كل الناس جاعلّك بوسط القلب وداّ

الغليّم منت ندّه لوّ جيلك قدم جيله=بعد عشر سنين تمضي, يمكن اتصير اله ندّا
المسرّي رز مشعابه ولنّك مستوي له=ثم عطاك اللي عسى يكفيك م الليله لغدّا

المشاركة الأصلية كتبت بواسطة مرزوق العتيبي ... صح لسانك يالمسرّي.. نكتفي بهذا القدر والله يعطيك العافيه..