السلام عليكم ورحمة الله وبركاتة
اخواني شعراء منتدى الهيلا المجال مفتوح لأقرب شاعر
وكل امل بكسب الخبر من اهلها

اخوكم

سلام رديتن من خاطرن مستريح=اتحب خشم الوفي وتكب خشم الردي
ياطيب راع الوفاء ماينطق الى الصحيح=ودروبه منوره وبها العرب تقتدي

يامرحبا ردة ٍ فيها من العود ريح = يالصاحب اللي تلاقينا بلا موعدي
اعرفك شاعر لسانك بالمعاني فصيح = الله يقويك والمشوار قدمك مدي

الك البقاء يالمرحب والسؤال الصريح=اسهيل قلي وش الي يفرقه بالجدي
لادرهم الزمل يامرزوق لا لا تطيح=وان طحت ماتحتك الى حزمها الجرهدي

الاخ

سيف المعاني
مشكلتي الأملاء يعني ماعندك احد

لاكن دائم الكلمه لها اكثر من نطق

سواء في الكتب اوفي المنتديات

لاكن بحكم الخبره تعرف الكلمه

اشكرلك تداخلك
ونورالمتصفح

اخوك

الروعه اكتملت بوجودك

ومتابعتك مكسب يالمسري

الله لا يهينك

اخوك

اسهيل يمدح ولا يحتاج منّا مديح = والجدي معروف بين الناس يامسندي
انا على الطيبه مامد كفّ ٍ شحيح = وانته عسى مقصدك ماخالف لمقصدي

كلن ولو طال عمره مرجعه لضريح=والارض فيها شقي والارض فيها اجودي
سبحان رب النبي سبحان رب المسيح=يفلق من البذر يامرزوق غصنٍ ندي

صح بدنك

ياذيبان

والله يعطيك العافيه

ومتابعتك شرف

اخوك

لاجاتك الخيل ياناصر با اهلها طفيح = بالله قلي من الفرسان وين اتغدي ؟
وانته تشوف البروق اللي تلامح لميح = لاناض براقها قال الخيال ارعدي

من ينطح العارض براسه يعود جريح=والله لاينصر الملقوف والمعتدي
جعل المطر ينبت خزاما وحوا وشيح= وتخضر افياضها وجبالها والودي

سبحانه

نور المتصفح يابن رووق

وجودك شرف

اخوك

ماجد

((وناصر شاعر قادم بقوه))

شهاده افتخر فيها


ومتابعتك شرف

الله لايهينك

اخوك

الله يعينك على وجه الزمان القبيح = ماتاخذ الا نصيبك لو تقوم اتعدي
الحرب قامت وجا فيها صويب وذبيح = ماعاد ينفعك نظم القافيه والحدي

الرزق عند الولي والكون كونن فسيح =والطيبه طيبه يحمد لها المبتدي
انته علامك غديت مع الجراير تصيح=روح عليك الزمان الطيب المسعدي

متابعتك مكسب

يافهد

الله لايهينك

اخوك

ترى القناعه رضا معدوم عند الشفيح = ومخالف الحق مايطلع كما المهتدي
ياناصر الباب سدّه كان جا منه ريح = لاتفتح الباب ونغرمك ذبحة فدي

سيف المعاني

شهادتك اعتز فيها

الف شكر لك

اخوك

الحمدالله معي سيفي وخصمي طريح=وصية الشايب اوصي عليها اولدي
ان غيم الجو سدك جوده لايبيح=والله يرحم قصي و يرحمك ياعدي

القسم منور باهله

وصح بدنك يالمهند

والف شكر لتواجدك

اخوك

ماقول غير ونعم لكن عنها استريح = السيف سيفي واسوق الروح دون بلدي
انته علامك غدالك من كلامي فحيح = اشرب من الدلّه الصفرا قبل تبردي

الذاهبه ضيوعها من سماح وسميح=يوم انهم صدروا من جمة الماردي
الددسن اللي بوسط الخط يجمح جميح= الله يستر على دعامته والبدي

سيف المعاني

الله لايهينك لاانت ولامرزوق

وانتم شاعر ومايحتاج لو نقص كلمه


اكيد بتعرفونها وشلون حرف

دمتم بخير

اخوي الداهيه

مساك الله بارضا والعافيه

وصح بدنك وحضورك شرف

واعجابك شهاده

ومتابعتك حافز لتقديم الافضل


يعطيك العافيه

اخوك