|
.. مصـافحـه آولآ مـع الشـعـر .. لمـشي عـلى صـابـرك وبـرجلي اطاك ..
.. بسم الله .. اخواني الكرام وعيال عمي ما احب اطول وهذي بدايتي في الشعر يالغالين وانا اكتب بس في المواقف وجاني موقف وكتبت هذي وهي اللي صارة لي اليوم .. والعذر كان بها شي واتمنى الافاده منكم والمساعده وتراني اقبل التعديل والناقد وتحديد الكسور لكم ماعندي لكن راح اعلمكم وش القصه علشان ماتكون غامضه السالفه هذآ واحد من الاوادم التعبانه تطاول في الكلام معي وهو مدرس من المدرسين اللي يتحلون بالصفه الفاشله وحقيقه تمادى في الكلام وجاء فيها وصول لقبيلتي وانا ماحبيت هـ الشي يجي ورديت عليه بردين رد يد ورد شعر ولكم ردي عليه واتمنى إنكم ماتواخذوني لانها بدايه لي في الشعر وابي الفايده يامحمد سليمان خذ مني وهاك ................. قولٍ به الافعال تثبت كلامي * * * قولٍ يجي منزلك لا ويتعداك ................. قولٍ سديدٍِ مابه ايت سلامي * * * والله ثم والله والله يقناك ................. إني لاوطي قيمتك بالتمامي * * * واخلي العالم تلذذ على بكاك ................. وانا على راسك بعيدٍ وسامي * * * يامحمد فلبان وش اخر سواياك ................. وشهي علومك ياكسير العظامي * * * ليش الردى طبعك وهو ساس مبداك ؟ ................. لا يالردي وشلون تسآل علامي ؟ * * * تخطي بحقي وتفتخر في خطاياك ................. وترفع رويسك مثل راس النعامي * * * ماتدري إني عارفٍ وش مزاياك ................. وشهي علومك ياصبي وياغلامي * * * هات الخبر ممزوج بالصدق لا مداك ................. وعرف وش المطلوب وشهو مرامي * * * لمشي على صابرك وبرجلي اطاك ................. واعلمك قدرك ... وشهـو مقـامي * * * يامحمد فلبان وش فود طرياك ................. غير التعاسه / والفـشـل / والنـدامـي وسلامتـكم وكرمتو عنه وعن المكتوب اخوكم / حسين بن عزام الغنامي ( إبــتـدينـا ) |
كرمة..
صح لســـانك ... جزل وقصيدة جزلة ... لا هنت يالغالي .. |
...
ماقصرت وبيض الله وجهك وان كان فعله كما قلت .. انا اقول قليله في حقه. لاهنت يالغنامي.. |
الله يعطيك العافيه يا الغنامي
بشرني ياخوي عساك كسرت ضلوعه ووطيت في كبده وياكثر ها الاشكال وانا اخوك مير الله يصبر علاهم قصيدو طيبه ويستحقها ويعطيك العافيه تحياتي |
الغنامي
صح السانك وتشكر على فعلك وكل انسان من دون حقه وربعه تحيااااااااااااااااتي |
بيض الله وجهك
لا ترحمه |
صح لسانك اخوي
|
الفراهيدي سلمت يالغالي ولاهنت تشرفت بـ تواجدك معي يالامير تحياتي لك |
مرزوق العتيبي لاهنت يالغالي على هـ التواجد وسلمت وسلم تواجدك يالامير تحياتي |
النجم المعتلي لاهنت يالغالي وجودك شرفني وزاد نور الصفحه ولاتوصي من دون ربعي اسوق الدم وانا اخوك لاهنت يالامير لاهنت تحياتي |
الدلبحي لاهنت يالغالي لاهنت تواجدك شرف لي طال عمرك ومن دون ربعي اسوق الدم سلمت وصح بدنك تحياتي |
مروي العطاشا ووجهك ابيض لاهنت يالامير لاهنت تواجدك شرف لي تحياتي |
الرشاش لاهنت يالامير لاهنت وصح بدنك يالغالي سلمت لـ هذآ التواجد تحياتي |
0 - حسين بن عزام الغنامي كفوا يا ابن العم فعل وقول وتسلم يمينك وصح اللسانك لا عدمتك يا القرم مزيداً من التقدير والإحترام 0 - |
صـــــــــــ لسانك ــــــــــــــــح
يالغنامي والله يحييـــك. |
ونعم يبن عمي كفو والله قصيده حلوه وجزله واللي محليها ردك بيدك بعد لك مني كل الاحترام والتقدير وتحياتي للجميع.
فيصل المسعودي |
آستاذي الكريم الشـاعـر / زيد العتيبي تواجدك الكريم يعطر ارجآء صفحتي ويتوج المكان بـ آفضل النجوم سلمت يداك ... ودام تواصلك معي وتشجيعك لي آستاذي الكريم وصح بدنك يالغلااااااا ولاهنت ياتاج راسي دمتَ كما تحب |
أستاذي الكريم / المهنــًد تواجدكَ اسعدني وزاد من الشرف لي تواجدٍ كريم من شخصِ كريم صح بدنك يالغالي ولاهنت دمتَ كما انت |
أستاذي الكريم / فيصل المسعودي تواجدك شرفني واسعد خاطري تواجدٍ كريم من شخصِ كريم صح بدنك يالغالي ومن دون ربعي تهون الكايده ولاهنت يالامير وسلم بنانك ياتاج راسي دمتً كما انت |
| الساعة الآن »10:03 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd