ياهلا يامرحبا ترحيب يكفيله قبيله=بالمقاطي ولد عمي عقب ماشرف عتابه
الدروب كثار بس الدرب واضح لدليله=لاتزله يالمقاطي دام سيفك من نصابه

البقا يالي ترحب عد همال المخيلة = يا مقابيس الظلام ويا مذاخير الذيابه
الدروب كثار والخيال في ظهر الأصيلة = والمصقّل للقا والراس معصوب بعصابه

بنصحك ياولد عمي كان عاشق للجليله=أنتبه وحسب حسابك للصحيب وللقرابه
المسافه جرهديه كان بك حيلٍ وحيله=لاتحسبنك لوحدك ثم تبلش فالحرابه

,,

السيف والنصاب غدا مثل الجمل والحمل هههههههههههه


صحت الالسن والقلوب ,,

واصلك عني خبر مكذوب "طلقت الحليلة"؟ = باقية في بيتها المعمور وبعز ومهابه
انت ابن عمي وأنا مالي على مثلك وسيلة = لن نويت الخير ولا الشر عني صك بابه

ليه ياولد النشاما ونت معروفٍ حصيله=كل ماجريت لحنن من على قوس الربابه
والله إني ماأضرك والمحنا من مشيله=بيني وبينك ترا مافيه هوش ولا طلابه

يالكريم ابن الكرام الحمل له قرمٍ يشيلة = والمعاني ما تشابه والمواقف ما تشابه
حط وسمك فوق بلّك قدمك دروبٍ طويلة = لا تخليها غفال الغفل تاكلها الذيابه

والله إنا يالمقاطي مارضينا بالفشيله=للقريب وللبعيد وكل شاعر من شبابه
لحتمى الماقف وشبت كل يوم وكل ليله=وسمنا في خدها واضح ولافيها غرابه

أنت ما تشرب لبن صافي ولاتشرب عبيلة = دع سبيل الطرقي الي للسفر حازم زهابه
يستر الله حالها راحت ولا فيها عقيلة = من يدوّر ذاهبه يالله لعله للذهابه

بعدماشبت زنود النار في خشم الفتيله=منت تاركها ورايح مثل من يشعب ركابه
هرجتك فيها غرابه أنت تونسلك مليله=يشهد الحرف المسجل كل ماأكتب كتابه

المشاركة الأصلية كتبت بواسطة عبدالله جبارالعتيبي (المشاركة 1254731) صح بدنك يالأيداء وترا أنا أحسب محاورتك أنت وعبدالإله أنتهت من البارح لاكن العذر والسموحه يالمورقي

المشاركة الأصلية كتبت بواسطة عبدالله جبارالعتيبي (المشاركة 1254735) دائما كعادتك يالمورقي رجل ونعم الرجل وتاكد إنك من الرجال اللي أكن لهم كل محبه وتقدير أبيض وجه