| محمد@الجعيد |
20-Dec-2011 03:44 PM |
اثر الجمال اشكال صادق وكذاب
استغفر الله كنت انا بـنجن اليـوم=من عقب ماشفته وراء زلفت الباب
شفته بعد ماقام دوبه مـن النـوم=اثر الجمال اشكال صادق وكذاب
ومن عقب ماشفته وانا طيح واقوم=يانعنبوها زينهـا يطـرح ارقـاب
هاك العيون الدعج والصدر مزموم=وجهه بلا مكياج واهدابه اهـداب
وهاك الشعر منسوع به ريح يشموم=ماكنه الاليـل لسـاق منسـاب
واثر العيون بلحظه اتبـدي علـوم=ابدالي اعجابه وانا ابديت الاعجاب
وبين العيون الدعج نطحوني القـوم=جوني بلا رحمه على خيل وركـاب
نطاحت(ن)برماح وسيوف وسهوم=ياكثرهم كثراه ياتلف الاعصـاب
اثر الشجيع يطيح في قبضة رخـوم=ياقلبي الي كـن تنهشبـك ذيـاب
ويامكسبي من شوفته حزن وهموم=والناب الاول صف في جنبه الناب
اقفيت وطيور الهوى فوقـي تحـوم=روحي بقت والي بلا روح ماطاب
ياليت مامريت مـع حيـه اليـوم=ولا بعد ماشافنـي قفـل البـاب
|
