ياهلا يامرحبا ترحيب في حلة عتابه=من ضميري ثم ترجمها لساني للرجالي
السيوف الحدب مصدرها رياجيل المهابه=إنشريها ياصحيفه فالغلاف وفالمقالي

البقا يلي ترحب والمعاني ما تشابه=من هجوس(ن) صادقه وقت الملاقى ما تبالي
نعم والله بالرجال اللي على نهج الصحابه=مكرمين اضيوفهم والفال في صفر الدلالي

السما يبرق ويرعد والسبب ذيك السحابه=صرفها دايم جنيه ولوبغيتم بريالي
أنت رجال قحطاني إلك ساس وإلك لابه=ليه يمحمد تعذرب فسحاب وفلخيالي

المشاركة الأصلية كتبت بواسطة ذعير العالي (المشاركة 1252375) ياسلام ياسلام يابوجبار كل عاده مبدع صح السااااااااااااااااانك وصح السااااااااااااااااان محمد القحطاني

المشاركة الأصلية كتبت بواسطة غالب الذيابي (المشاركة 1252373) : : : : صحت السنتكم يا ثنين : : : :

السما فوق السحاب وظلمكم ماينرضابه=الذهب غالي و يُصرف للصديق وللموالي
القبايل كالرواسي ظلها فوق الشعابه=من تجرى بالظليمه يفقد اعمام و خوالي

قودها قود المطيه يامحمد مع شبابه=كان تعرف للحرام وكان تعرف للحلالي
من يباها سلم يسلم قبل نشعلها حرابه=ساسنا مثل الحديد وساسهم مثل الهيالي

المشاركة الأصلية كتبت بواسطة محمد الذيابـــي (المشاركة 1252420) صح لسااااااااااااانكـ ياعبد الله وصح لساااان صبي قحطان

دامنا في ملعبه صرتوا لنا قوس وربابه=يا ربابه جري الموال انا ماني با الآلي
ساسكم من صلبكم والا لكم راي وغرابه=تعرف ان اسهيل نوره مستمده من هلالي

يامحمد يقحطاني لاتعرض لذيابه=من تعرض لذيابه راح مرواج الهلالي
كل واحد في طريقه والحقيقه في زهابه=أعرفوها وفهموها ياخبيثين العمالي

المشاركة الأصلية كتبت بواسطة عايض جزاء العصيمي (المشاركة 1252408) صح لسانك يابو جبار وصح لسانك يامحمد

ابن جبار العتيبي عقب ما شقق ثيابه=بانت اكوين قديمه يا عساها للزوالي
الخبيث اللي على راسه ييهبد فالعدابه=وان نشدته قال انا مدري وش اللي صار تالي

بيني وبينك ترا مافيه يمحمد تشابه=والدليل التاج زاهي ونت صفرٍ فشمالي
من زرع زرعٍ يحصده والأسد يحكم فغابه=والله إني ماعليه دام لله إتكالي

المشاركة الأصلية كتبت بواسطة محمد سعيد القحطاني (المشاركة 1252455) صح ابدنك يا لنشمي والف مبرووك الوسام يا بن جبار

اشهد ان الله فرق فالخلق موسع كل جابه=اللطيف الخالق المنان ربي ذو الجلالي
المطيه بالوسم تِعرف ولا تغدي نهابه=نشكر اللي يصرفه لأمثالكم ياهم ملالي

أنت تجبرني أطلع واحدٍ داخل جرابه=ونت رجالٍ عزيز ومن رياجيلٍ غوالي
المطيه في حمانا ماعلانا من الزلابه=دام يدي في يدينك والله المعبود والي

انت تطلبني وانا ماني مظهرلك نصابه=طبعنا والطبع يغلب طبعكم عند المحالي
دام هذا عرفكم يا عقاب زود في عقابه=لا تشيله الحمول اللي على ذيك الجمالي