يالطيف الروح في قلبي هواك=ثابتٍ فالقلب مايمكن يزيل
صورتك فالعين دايم ياملاك=مستحيل انساك واسلى مستحيل
انت من شافك بيبطي مانساك=ياذريف الطول والخصر النحيل
من حلو صف البرد جوت شفاك=والعيون السود والرمش الضليل
واشقرٍ مثل الذهب يسبح وراك=يوم تومي به مثل ذيل الاصيل
قام يسرقني بدون اشعر هواك =مثل سرق(البنز)للخط الطويل
ماذهنت الا وقلبي في يداك=واقعٍ ما بين يوم وبين ليل
لو تبا تطلب عيوني قلت هاك=في سبيل رضاك باذلهن سبيل
وانت توعدني ولا ادري عن وفاك=واقفٍ ما بين عدل وبين ميل
كل شيءٍ محتمل هاذا وذاك=العذارى من يصدقهن هبيل
ما يفيد الذال قولت ماعلاك=اعطني من شان اصدق لو دليل