ياحبيبي يوم اعاتبك بضمير = لاتعاتبني وتلحقني ملام
عن هوى غيرك وربي مستخير =وأحسب انك فالهوى برد وسلام
مادريت اني معك ماني بخير =لين جتني منك الإتهــام
بعدها بعطيك حكمه وانت غير = تفهم المضمون برموز الكلام
الخيانه حاصله عند الكثير =والوفا يحتاج له " بس إهتمــام "
الهوى مثل الوزاره يالوزير=وانت حاول ماتلاعب بالنظام
أصعب التحديد تحديد المصير = وأسهل الأهداف تحديد المرام
الجبيره تنفع العظم الكسير = والخواطر كسرها غير العظام
إجبر الخاطر كذا ويصير خير = لاتعلقني على جنـح الظــلام
وكآن مآبك خير لـ إسعـاف الضرير = ويش اسوي بك وانا هايم هيام
زبدة الموضوع هاك من الاخيــر = والله اني ذقت لوعات الغــرام
مير احبك لو يصير اللي يصير=غير هذا القول ماعندي كلام

المشاركة الأصلية كتبت بواسطة فيصل مطر (المشاركة 1252110) لين جتني منك الاهتمام؟مدري كيف ياظيف الله لاكن اصعب التحديدتحديدالمصير واسهل الاهداف تحديدالمرام صح لسانك وعلى كذا فيه شي من الابداع و لاهنت تقبل مروري