خبروا سيف المعاني ترانا نحتريه = ودنا ناخذ معه شلّه وموالها
شاعر ٍ توّه طلع ودّي اتعرف عليه = يوم عن حاجه نشدته ورى ما قالها؟

ماني بملزمك في شي مانت بمهتويه = والهدف معروف والخيل من خيالها
اشرب الدلّه وجنّب طريق ٍ ماتبيه = والجمال اجمال ومقابلك جمالها

ايه عندي كل مايعجبك ماقول ليه = كاسة البراد والعالمين بفالها
والطريق الصعب خابرك ماتقدر عليه = مير دوّر حاجة ٍ هينه واشتالها

ياخساره خاب ظني بشخص ٍ نرتجيه = اخلف الهقوات والكايده ماطالها
صاحبي ضاعت علومه ولدري ويش فيه = حالته من بعد هاك اللقا يرثالها

السفيه اللي عسى الله على الخير يهديه = والطيور اللي تهاجر نعرف اشكالها
كل لاعب يحلم انه يصل شهرة بليه = مير هذي حاجة ٍ كايده يبغا لها

اثر بعض الناس فالملعبه ماله شبيه = العلوم المبهمه مايفك اقفالها
جعل ربي يصلحه ثم يعوّض والديه = مال صعبات المواقف ياكود ارجالها