سلام الله على اهل المنتدى وخص بن جلال=عسى ايامه سعاده فى اول الدنيا وتاليها
هدفنا ياوسيع المعرفة في صفحت العقال=لكن السالفه ياصاحبي ماني بناسيها

هلا بالصاحب اللي يثبت الاقوال بالافعال = تراحيب الوفاء والعود الازرق في مثانيها
طلبتك ياسعد قفل هذاك الباب بالاقفال = مقابيل العلوم اخير وابرك من مقفيها

يدوم الك البقا والسالفه ماهيب راس المال=تهيض وارسم المعنى على الهقوه ياباغيها
عدوك هو عدوي وضرب الرجال بالرجال=تسرحها نسرحها تضويها نضويها

انا بعطيك معنى ياسعد تضربه الامثال = مادام ان المواقف ماحماها غير راعيها
الا يامكثر اللي لبسوه اصحابنا الدسمال = وهو لو سرحوه بعشر معزا جاء مخليها

على مايسر الله والهدف ماهوب فى التمثال=اعرف الاوله والثانيه واللي تحاليها
مابى شقر العصا ياصاحبي ولا العلوم طوال=شوف اهل الفعول اليوم ماحدن يلتفت فيها

المشاركة الأصلية كتبت بواسطة عبدالله جبارالعتيبي (المشاركة 1248733) ياسلااااااااااااام صحت السنتكم واصلواااااااااا

المشاركة الأصلية كتبت بواسطة عبدالله جبارالعتيبي (المشاركة 1248733) ياسلااااااااااااام صحت السنتكم واصلواااااااااا

نشوف بروق فالمنشا ومن سد الخيال خيال = عسى غر المزون تساوق الديرة وترويها
نعرف الجوخ مايهدا ياكود لواحدٍ خيِال= مهوب اللي لاركب السابقه حول مع ايديها

ليا جا فى العلوم علوم مانزعل على الجمال=لكن بعض العرب يخمها من وقت مخطيها
عسى ماصار في وجه يابن جلال حبة خال=خيانه في خيانه والعرب تعرف مساعيها

ترى حنا ليا زادت وكبرت نلطم العيال = وزمان اليوم حتى الارنب تهوشك بذانيها
تراها واضحه ومبروزه والها ثنين اشكال = وراعيها نهار يبين مايقدر يخفيها

نطول اللي تقوله يالمقاطي والجبال جبال=ليااشبت شبوب الحرب من مثلي يصاليها
ترانا نعرف الشيخ الكبير ونعرف المرسال=يجي ويروح ماعنده ياكود اللي يوديها

المشاركة الأصلية كتبت بواسطة محمد الذيابـــي (المشاركة 1248783) صح لسانكــ ياسعد الرويس وصح لسان مجول المقاطي,,,,

وعشرين ونعم مال الردى مع سيرتك مدخال = ومن لايذوق مر التجربه ماذاق حاليها
ياسبحان الله اللي يالعتيبي غير الاحوال = وجات ام المنى للي من العام متمنيها

المشاركة الأصلية كتبت بواسطة محمد الذيابـــي (المشاركة 1248783) صح لسانكــ ياسعد الرويس وصح لسان مجول المقاطي,,,,

طويل حبال ولا ياعسى مانت بقصير حبال=لكن نار وسط الغار تحرق رجل واطيها
عز النفس عن بعض المواقف وحسن الاقوال=تباريلك رجالن يالمقاطي مانباريها

المشاركة الأصلية كتبت بواسطة ف@د (المشاركة 1248756) صحت السنتكم جميع متاااابع

حبالي تاصل الجمه ليا وردتها مع الجال = ودلوي ماتجيب من المشارب غير صافيها
الاياصاحبي عن صاحبك لاتقصر الفنجال = ومباريني شيوخٍ تعرف العالم مباديها

المشاركة الأصلية كتبت بواسطة مجول بن جلال المقاطي (المشاركة 1248854) حبالي تاصل الجمه ليا وردتها مع الجال = ودلوي ماتجيب من المشارب غير صافيها الاياصاحبي عن صاحبك لاتقصر الفنجال = ومباريني شيوخٍ تعرف العالم مباديها

المشاركة الأصلية كتبت بواسطة سعد الرويس العتيبي (المشاركة 1248839) صح لسانك يامجول وتصبح على خير