ياوش جمالٍ شفته اليوم بالسوق=بصغيرٍ ما شافت العين زيه
لو للجمال مشكلٍ لجنة حقوق=في ذمتي الياخذ الاوليه
انكانها بالزين مهوب مسبوق=وان عودت للغنج لارحم حيه
ادعج غنج شوفه لراع الهوى عوق=هافي حشا مالبيض معه بشيه
اعطي جمالٍ ماعطي قبل مخلوق=سبحان من سوى بعبده كذيه
لاهي دقاق ولامتينه غرض روق=اغصين موزٍ ناعمٍ له بفيه
والخد براقٍ تشعشاعه يشوق=ودك تخيله لو مالك رعيه
حتى البريقع فوقها صار له ذوق=غطا الجمال وزاد ملحه شويه
ان اضفته خلى من خشيمها وفوق=وان خلته خلى اللحي مع شفيه