|
وصل العطياني وزيد العضيله والمقلب الشعري
طاروق رائع بين وصل العطياني وزيد العضيله في تاريخ الرابع من ذو الحجه العطياني إستغل وجود ولاة الأمر في مكه المكرمه لإستقبال الحجاج ومرر على زيد تمريره ذكيه مغلفه بذلك لم يحسن العضيله الرد عليها وبعدها العطياني يطلب من العضيله أن يسامحه على الإحراج الشيطان في منى يستقبل الحجاج أليس كذلك !!! وصل العطياني زيد العضيله وصل العطياني زيد العضيله وصل العطياني زيد العضيله |
وألا يا زيـد ياللـي فـي منـى تستقبـل الحجـاج مهـمـتـك الكـبـيـره يـــا عــســى ربــــي يسـهـلـهـا ,,, أبا أستقبلك وأنته تعرف المدخال والمخراج لـكـن احـسـب حسـابـك وانتـبـه قــدام تأكـلـهـا اعتراف خطير هههههههههههههههههههه وصل العطياني مجرررررررررررررم كل الشكر لك يابوفايح |
هلابك يامبدعنا ابوفايح
هذا البيت من المفترض لايمر على شاعر مبتديء فكيف بشاعر خبرته طويله مثل زيد العضيله.. زيد العضيله في اغلب محاوراته تمر عليها اشياء كثيره بالذات مع حبيب العازمي والذي خدمه كثيرا في ساحات المحاوره... وسبق ان صار استفتاء في هذا القسم حول مستوى زيد العضيله والاغلبيه لم يقتنعو بمستوى زيد ولكن الحظ خدمه كثيرا. ابستقبلك وانته تعرف المدخال والمخراج !! يجاري البيت مجاراه ههههههه بالنسبه لوصل العطياني لا اشك بانه داهيه من دهاة شعر المحاوره ونجح كثيرا في ميدان المحاوره.. لاهنت على النقل. |
وصل العطياني شاعر لايشق له غبار كبير يابو مشهوور |
حررررااام عليكم
زيد بعد 30 سنه من الشعر ومقارعة كبار الشعراء مستور ورشيد وحبيب والهاجري والقرقاح والمورقي وابومشعاب وابن شايق وسوار الذهب وغيرهم صار الحين ما يفهم وتمر عليه صحيح وصل شاعررررررررومتمكن ولكن زيد شاعر وما تمشي عليه يمكن مشاها يمكن الموضوع غير والتحليل غير احترام الشعراء حق وواجب |
ليه مانقول ان وصل عندما قال
الا يازيد يالي في منى تستقبل الحجاج انه يقصد استقبال خادم الحرمين لضيوف الرحمن في كل سنه في منى ونحاول اننا نوجد ثاني اقرب واصح خاصة ان وصل لم يرمز بشيء يوحي انه يقصد الجمرات الثلاث ورد زيد يوحي لنا بانه فهمها على مافسرناها عليه |
هههههههه
لا هنت يابو فايح طاروق راااااائع,,,, |
طاروق مميّز للشعراء مميزين
أبو فايح اختيار موفق |
أجل وصل راحم الشيطان ويدعي له يقول (مهمتك الكبيرة ياعسى ربي يسهلها )
انا اشوف وصل ما أجاد الصياغة وزيد لايلام في ردّة |
وصل العطياني كشف العضيله على حقيقته
وبيض الله وجهه |
وصل كارثه الله ربنا وربه وابو ممدوح من كبار الشعراء
ابو فايح متميز دائماً |
السلام وعليكم ومساكم الله بالخير جميع واشكر ابوفايح علي اهالنقل الرائع وبداية وصل لاتعبتر مقلب واكبر دليل طلبه لتسهيل المهمه كما ذكر الاخ فهد العازمي والموضوع يخص حفل في القبيلة وشعاره ويدل علي ذلك وصل يوم يقول كلام الصدق حنـا خابرينـك خيـرت الإنتـاج عـسـاك لـيــا تـقـدمـت القبـيـلـه مـــا تفشـلـهـا وليت وضحت الحفله من اهلها وتقبلوا مروري |
مرت مرور الغانمين ولا تعدت بيتها :)
صح لسان وصل وزيد تبا ترسل رساله عاجله وأبراج ماش ابراج = وأنا طلعت مضمون الرساله قبل ترسلها الله عليك يالعطياني |
المطب هذا قديييييييييم جدا
وطرحوه الشعار في محاورات كثير واذكر منها سلطان الهاجري شاب راسي العصيمي وابلش المسلمين والله انه يموت ولايكب الغنا مستور العصيمي انت يياصاحبي ذا الليل منته بزين كنك اللي منول خابره في منى كيف مشت على العضيله ؟؟ مدري |
مع إحترامي لوجهة نظرك يابو فايح ومن منطلق إن المعنى ببطن الشاعر :), انا أخالفك الرأي وأتفق مع الشاعر فهد العازمي إذا فعلاً وصل يقصد الشيطان كيف يقول : (مهمتك الكبيرة ياعسى ربي يسهلها ) |
اقتباس:
(ياعسى ربي يسهلها) استخدمت لتمويه استغرب من الي يقولون المعنى في بطن الشاعر المعنى واضح للعيان وصل مشاها على زيد ورد زيد كان برىْ جدا ... |
..
. لاهنت يابو فايح واضم صوتي لصوتكــ من غير تهميش لاراء الاخوان التي نحترمها... ... مهمتك الكبيره ياعسى ربي يسهلها يقصد ان رمي الجمره مهمه كبيره وفيها مشقه للي بيرجم عسى الله يسهلها ... ويبقى المعنى في بطن الشاعر كما قيل .... وزيد شاعر عملاق ولاينقص هالشي من مقامه والاستاذ وصل مبدع في كل حالاته وشهادتي في ابو مشهور مجروحه ... تقبل مروري. |
اتفق مع تحليل فهد العازمي
مايصير يدعي للشيطان ان الله يسهلها وهو مطرود من رحمة الله افة المحاورات مفسرينها |
طيب إذا أحد يعرف جوال وصل يهاتفه وينشده
وأكيد ما راح يقصر ..يعلمكم وترتاحون .. |
مع احترامي لشاعرية العطياني لم يكن هناك اي تمرير او مقلب مجرد بيت عادي
ونحن نعرف من الذي يستقبل الحجاج في منى شاكرا لمشرفنا ابو فايح |
| الساعة الآن »06:37 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd