انا شوف الهذيلي بين جيرانه يشب النار = عوايد والعوايد عند اهلها ماتجنبها
على ماقلت في قافي تبي تشهد لي الحضار = صحيح ان المقرد تخرب الدنيا سبيابها

المشاركة الأصلية كتبت بواسطة مرزوق العتيبي انا شوف الهذيلي بين جيرانه يشب النار = عوايد والعوايد عند اهلها ماتجنبها على ماقلت في قافي تبي تشهد له الحضار = صحيح ان المقرد تخرب الدنيا سبيابها

أشب النار يا مرزوق وأكرم كل ضيف وجار = عوايد والعوايد للعرب تعرف مكاسبها
شهادة خير يا مرزوق لا يقصر بها المشوار = وحنّا لو تركناكم عتيبه من يحاربها!!

انا اقول انتبه وأثبت بخطواتك على المضمار = وناس ٍ ماتفيدك بالشدايد لاتصاحبها
ترى وضعك خطير وفوق راسك زادت الاخطار= ولاتفرح بتحقيق الحلوم اللي حلمت ابها

أنا جايي حريص ولا التفت فيمين وألا يسار= وأشوف الناس قد عقولها وأعرف أخاطبها
لك أنصارك وأنا ياصاحبي لي فالوطن أنصار = تحاسب قوم وألا قوم ما تقدر تحاسبها

ترى قصر النظر خفف موازينك مع الشعار = ياليتك لاعطيت الك النصيحه تستنير ابها
اعرف انصارك من العالم اللي تخلف الانظار= دعت للشر واول شرها في روس اقاربها

أنا شاعر مع أهل العرف ما أجيب الطوال أقصار= وأعرف قبورها وجبالها وأعرف نصايبها
وألا يا صاحب ٍ توزن لنا الحبه مية قنطار = تجيب علوم يا مرزوق مدري كيف جايبها

ياماجد مانشك بقدرتك ياضايع الاشوار = بنيت الدار لكن تالي الرحله تخربها
انا ماقلتها مازح ولا ارميها بلا معيار = يابو نيّه سماويه على كيفك تقلبها

أنا بنذرك يا مرزوق عن ما قلت أخذ إنذار= وبعض علوم تطلبني لوني جيت ما أطلبها
مدام إن الزغل ممنوع لا تزعل ولا تحتار = ولو تنشب تعرف اللي يفك حبال منشبها

كبر راسك على عمك غريبه ويش هاللي صار؟ = نسيت الناقه اللي كنت ادررها إلك واحلبها
ياماجد ماضمنت الك السلامه والفلك دوار = مشيت بسكّة ٍ فاقت حياياها عقاربها

ليا كنت أنته التاجر تراي مورد التجار = وجيه الناس لوتغضب نوينا ذبح مغضبها
لعلك يا وسيع العرف منت الثعلب المكار = ولن قاومت أنا لذيابها خافت ثعالبها

ترى والله لو منت برفيق ٍ لي وقبله جار = علاقتي معك يا مخلف النيات لشطبها
مصيبه مامعك قدره والى شان الزمن تحتار = كبر جسمك ضعف عقلك ولاتحسب عواقبها

تدور إبك الرحى وعلومك الليله علوم كبار= ولن جبت المصايب مت قبل تصير جالبها
تبا تأخذ بثارك منت عارف كيف تأخذ ثار = أثرك أعمى بصيره والحضاره ما تواكبها

ترى بدري عليك انك تعلم لعبة الشطار = تحدى لك رياجيل ٍ عطيبات ٍ مضاربها
وانا وان قاله الله لحشرك سوات حشر الفار = من اجل انك تتوب من اللقافه ماتقربها

عساك بستره الضافي على المسناد والمحدار = على قول وفعل وأفعالنا شكلك مجربها
ولا ياصقر ٍ أبيض نظرته نظره وراسه طار = أنا كم ناس يا مرزوق بأمر الله معذبها

وانا اقول انت جعلك من عطيبات السهوم امجار = لأنك لادخلت المعركه منته بكا سبها
علامك قمت تخطيها وجيت مطفي الانوار = صحيح ان الغشامه منك حاجه ما اتغاربها

المشاركة الأصلية كتبت بواسطة مرزوق العتيبي استلم ياماجد: ترى قصر النظر خفف موازينك مع الشعار = ياليتك لاعطيت الك النصيحه تستنير ابها اعرف انصارك من العالم اللي تخلف الانظار= دعت للشر واول شرها في روس اقاربها

ليامني اسلمت انته سلمت وبانت الأسرار= وليا منك بغيت النار تآكلكم مشاهبها
أقلك عيد تفكيرك وكل إنسان إله أفكار = تبا تحتال مع محتال والأرزاق طار إبها

ترى حنا الرجال اللي نقدك قدّت المنشار = غيرك ناس ٍ تحدتنا ونتفنا شواربها
غلطت وغلطتك تكفيرها تستغفر الغفار = ونفسك في طريق الخير والمعروف دربها

أنا مرزوق لو جيته من الذله بساقه غار = يبا الفكه لكن هيهات من عندي يسير إبها
أنا لا أحرمت بيت الله رميت بليس سبع جمار = ما أجي مشتال لي بندق على بيته مزهبها

انا ماودي ابعد عن مسار اللعب يالثرثار = ومن يجهل فنون اللعب ليته مايطب ابها
ترى اللي مامعه قدره ولاقوّة عزم واصرار = يموت وحسرته في وسط قلبه ماتحاك بها