عزالله أن أمك عسرها الله ولاجاب ولد ...(الزلامي+السواااط)
 

محاوره فكاهيه او ناريه اوسموها ماشئتم

بين رشيد الزلامي(صتفره الشعار) و جارالله السواط (عميد الشعراء)

رشيد الزلامي

سلام ردية وفا وأكتب عدد وأحذف عدد = وإضمد على جرح الليالي لين يبرى وأجرحه
سرحت من هذا البلد وأمسيت في هذا البلد = واللي رقد هاك السنة جيت وهو في مسدحه

جارالله السواط

لك البقا يابوجميل البن أخير من الهدد=أبوي وصاني وصية وأنت معناك أشرحه
عبدالأحد قالوا لي البارح ضرب عبدالصمد =وإليا لزمت الرجل فيك الخير شيله وأطرحه

رشيد الزلامي

ياحظي اللي مايجيب من الموديلات الجدد=ماغير فرت بارد عزمه عسى الله يفضحه
زهقان من وجه السواط إن كان عني ماشرد=أبتحمّل ذنب ورعانه وأسمي وأذبحه

جارالله السواط

عسى عيون ماتباني يالزلامي بالرمد=وأنا سليم الجسم سالم زين والدرب أبرحه
الله لايستر على أصحاب النميمة والحسد = خلك مساويني ولا لك في الضعيفه مصلحه

رشيد الزلامي

عزالله أن أمك عسرها الله ولاجاب ولد = شاب الولد وهي تقول أظن ربي يصلحه
إن كان خاواني ليا سافرت ياعلم السعد = أبذبحه في الطياره وأكفنه في مشلحه

جارالله السواط

أبوي عقّب له ولد وأبوك عنها قد رقد = وأنت وليد إبليس واللي صفيتك ما بنصحه
أنا دليله يالزلامي والدليله ينفقد = واللي سواتك ماتحدانا ومثلك نكسحه

رشيد الزلامي

والله ما أعفي عنك حالف زال دمك ماجمد = قرنك عوج وتدور الضلع المتين وتنطحه
أبلشتني في كل حفلة ناس لك برق ورعد= والمعرفة قشرا ووجهك قدم وجهي مقدحه

جارالله السواط

أنا مربيك بعصاي كل واحد لي شهد = والجوهرة فأقصى البحر وأنت البحر ماتسبحه
معاهدك باللي رفع سبعه طباق بليا عمد=ياللي سواتك مايقديني ولا زيد أتبعه

رشيد الزلامي

يابحرنا عندي سياسة كان موجك ماركد = أعرف أسلوب الموقف اللي تخسره وأنا أربحه
واللي يصارع له حصان صلف لازم يبتعد = يمسك رقبته لايجي من عند رجله يرمحه

ــــــــــــــــــــ

الله الله
شكلهم يحبون بعض
ههههههههه

محاورة قمه

بين عمالقة الشعر..

لا هنت ,,,,,,,

صح الله السنت الشعراء

بس السواط وقع في خطاء كبير جداً

وهو تغيير القافيه في بيته هذا


معاهدك باللي رفع سبعه طباق بليا عمد=ياللي سواتك مايقديني ولا زيد أتبعه


:eek::eek:

والله الزلامي صنفره من حق وحقيق


يابحر انا عندي سياسة كان موجك ماركد = أعرف سلوب الموقف اللي تخسره وأنا أربحه

ابداع من الزلامي

شعرااااء من الوزن الثقيل الله يطول في عمر الزلامي ويشفي أبو بندر

مهنا العتيبي

يعطيك ألف عافيه ع النقل

تقديري قبل مروررري ,,,

مهنا العتيبي
بيض الله وجهك على نقل هذه المحاورة الطيبة ولانستغرب قوتها من قوة فرسانها
تقبل مروري