مرحبا بالشاعر اللي عزوته ماهي رديه=من مطير اللي تشب النار قدام التلاقي
ما يقدَم للزوم الا من عزومه قويه=ما تجي حسب السراء والعرف دام الحمل شاقي

البقا وانتم كذالك ناركم بالمثل حيّه = ماتحبون الكذوب اللي كذب ,, واهل النفاقي
قول لي وين انت ناوي .. واترك الباقي عليّه = والله انا مانخلي من ورانا شي باقي

ما عليكم زود وانتم معجزتكم عالميه=ما تخونون الخوي ولا تهينون الطراقي
لو حسبناها حساب الدور وانظام السريه=ما ترقى ضابط الافراد واعطوه الوثاقي

المشاركة الأصلية كتبت بواسطة متعب المقاطي العتيبي (المشاركة 1242133) ما تجي حسب السراء الله عليك ياماجد وصح لسانك وفي انتظار زياد وصح لسانه

المشاركة الأصلية كتبت بواسطة عبدالله بن هملان الغامدي (المشاركة 1242143) صحت الالسن مـــاجد و زيـــاد متابع ابداعكم

المشاركة الأصلية كتبت بواسطة ذعير العالي (المشاركة 1242145) ياسلام ياسلام صح الله السنتكم أخوي عبدالله الغامدي وأخوي زياد ومتااااااااااااااااابع

مانلوم العقل دامه من ( عروق ومن خليه ) = معجزتنا اكبر من عقولٍ تلحفها الطواقي
واجبك من ضابط الافراد تعطيه التحيه = وان عصيته راح يومك مرتكز من فوق ساقي

من مدحكم ياوسيع المعرفه من حسن نيه=تفهمونه شئ ثاني .. والله اعلم بالمتاقي
يالمطيري يالشطيطي لا تشط عن القضيه=القضيه شانها بين العرب عالي وراقي

مملكتنا ماتبا من جارها حسنه وسيّه = من متى نرجي وراكم خير يالشعب العراقي
من سياستنا ما ندخل فالشؤون الداخليه =مار انا بنصحك تغرسها على حد السواقي

ينصح السني مع الجيران لو هم رافضيه=والروافض ما تثق فالسنه ولو بتفاقي
يالمطيري والله ان الوسم في خد المطيه=مار وش عرف شواو الناس في وسم النياقي

كان ماتجرا على خوة رياجيل الحميّه = حط مابينك وبين النار يابن روق واقي
والله انا مانباها ,, جعلها مقلع طميّه = شامت النفس وعليها قررت حكم الطلاقي