وقت العجايب جاب علمٍ عجيبي=اللي سمعنا فيه واللي قريناه
راحت عتيبة مطمعة للغريبي= حتى تسمىّ بالبدود المسماة
كم خايبٍ منزل هله بالشعيبي=يقرن بساسه طيب الجد والجاه
ومضيع أصله يزعم انه عتيبي= واللي فقد بيت النسب وين يلقاه؟!.
رح وازهمه في سهل وألا صعيبي=وتشوف لون البغض يقنع محياه
يقول أنا للعنصرية حريبي= حنا الغلط وهو الذي يعرف الله
ناهيك عن طبع الكرم صار عيبي=في معتقدهم ما يحبون طرياه
والفرق واضح بين حصني وذيبي=والذيب ما حليا الثعالب بحلياه
واللي دعى القاصي يعوّد قريبي = عزٍ شداده فالبيوت المبناه
في دوحة الهيلا كعام الحريبي= ثدي أمّنا غذى رسوله وقواه
هذا وأنا لي قول أشوفه مصيبي= من دون مسٍ فالبيوت المسماه
من لا يسجل فــ البطاقة عتيبي=خله يروح روحة مقيط ورشاه

المشاركة الأصلية كتبت بواسطة نيزك (المشاركة 1241227) مـــن*لا*يـسـجـل*فـالبـطـاقـة*عتـيـبـي ~~~ خـلـه*يــروح*روحــة*مقـيـط*ورشـــاه  جميله جداً سلمت اخوي غالب

المشاركة الأصلية كتبت بواسطة فهد العازمي العتيبي (المشاركة 1241236) . صح لسانك ياغالب ولاهنت ،،،