حبيب العازمي=
على الله توكلنا وبالله قويين=ولا همّنا مخلوق فالخلق كله
وآلا يابن الحارث بعد عام الألفين=يحوّل عليكم عازمي في مظله
مصلح بن عياد=
على الله توكلنا من أوّل وذلحين=جزيل العطا اللي كلنا تحت ظله
لقيت العوازم يا عتيبه صليبين=قريت الخبر والسالفه فالمجله
حبيب العازمي=
أنا باخذ المعنى من الخشم والعين=وأبادخّله تحت الرموش المظله
ترانا ليا جت للتحدي معيين=على قسمنا واللي نبا نستحله
مصلح بن عياد=
وأنا باخذ الحكمه من أرض المجانين=وأعقد الحبل فوق العوازم واحلّه
لكم عندنا قصرٍ ورى الباب بابين=ليا جاء المسيّر عندنا ما يزله
حبيب العازمي=
على وين يا مجنون صاحي على وين=ترانا نجومٍ فوق راسك مطله
على الله جزانا يوم نعطيك سكين=ونعطيك سيفٍ في يمينك تسله
مصلح بن عياد=
على وين ياللي تكره الشرع والدين=بردّك قبل ما تنتزي في مظله
يقود السفينه كلها واحد أثنين=بقود السفيه صح والدرب أدله
حبيب العازمي=
يافرعون تلقى في عتيبه فراعين=يسدك من المقهاه فنجال دله
من أول طمعنا أنك تحرر فلسطين=وتال الدهر ملتك ماهيب مله
مصلح بن عياد=
أجابة حبيب واضحه بين قوسين=وأنا كاشفٍ سره وأنا فاطنٍ له
يا كثر الصقور اللي بليا جناحين=تسوي على الصقر الحقيقي تعله
حبيب العازمي=
يا كبر الجمل مار أن فال الجمل شين=بعد مابرك عيت عظامه تقله
لو أنّا نصيح تصيح معنا الثقلين=لكن أنت عله في تسعين عله
مصلح بن عياد=
تبا السلطنه لكن قبلك سلاطين=حذارى حذار لا يجي منك زله
قضينا على سم الحنش والثعابين=لكن الكتاب اللي معك لا تفله
حبيب العازمي=
أنا ما تعدى مار أعلمك بعدين=وتشرب من الماء لين ريقك تبله
وآلا يابن الحارث رعاة البعارين=بعارينكم فيها مشبّه سم الله
مصلح بن عياد=
أشوف الفقارى والغني والمساكين=تهز الجبل وتقول لازم نشله
ليا زل من عمري ثلاث وثمانين=تحل البلد وآلا عسى ما تحله
حبيب العازمي=
شرينا دركتل رقم واحد وبكلين=نبا كل ضلعٍ من علوه نهله
ليا من بلغ سنك لسن المسنين=نحط ألك في حيد العماره مظله

الله يبيض وجهك على هذا الطاروووق


طارووق غير وفارق بمعناه

المشاركة الأصلية كتبت بواسطة منصور عبيد (المشاركة 1241149) غريب مصلح كان في غاية الشراسة مع حبيب على غي عادته من البيت الاول؟؟؟

المشاركة الأصلية كتبت بواسطة الجوراسي (المشاركة 1241140) الله يستر من المعنى هههههههههه يقول مصلح لــيـــا زل مـــــن عــمـــري ثــــــلاث وثـمـانــيــن تـــحــــل الــبــلـــد وآلا عــــســــى مــــــــا تــحـــلـــه حبيب لــيـــا مـــــن بــلـــغ ســنـــك لــســـن الـمـسـنـيـن نــحــط ألــــك فــــي حــيــد الـعـمــاره مـظــلــه ويقول حـــــــــــــــبـــــــــــــــيــــــــــــــــب الـــــــــــــــعـــــــــــــــازمــــــــــــــ ــي يا كبر الجمل مار أن فال الجمل شين بـــعــــد مـــابــــرك عـــيــــت عــظـــامـــه تــقـــلـــه لــــو أنّــــا نـصـيــح تـصـيــح مـعـنــا الثـقـلـيـن لــكـــن أنـــــت عـــلـــه فــــــيك تـسـعــيــن عـــلـــه ولكن مصلح يحذره تــبــا السـلـطـنـه لــكـــن قـبــلــك سـلاطــيــن حـــــذارى حـــــذار لا يـــجـــي مـــنـــك زلــــــه والسلطه يعني ((التسيد على شعر المحاورة)) عجبتني المحاورة كلها وبالذات لـكــم عـنـدنـا قـصــرٍ ورى الــبــاب بـابـيــن لـــيـــا جــــــاء الـمــســيّــر عــنــدنـــا مـــــــا يـــزلــــه و أنـــا بـاخــذ المـعـنـى مـــن الـخـشــم والـعـيــن وأبـــادخّـــلـــه تــــحـــــت الــــرمـــــوش الــمــظــلـــها

المشاركة الأصلية كتبت بواسطة قاسي العتيبي (المشاركة 1241157) مصلح بن عياد قوي وشرس ولايستغرب منه لأنه من عمالقة الساحة يتقن المحاورة بكل أمورها معنى نقض فتل إلخ كيف تقول على غير عادته

المشاركة الأصلية كتبت بواسطة منصور عبيد (المشاركة 1241405) شاعر لا يختلف عليه ويفتل وينقض بس استغرب بعض الابيات القويه لدرجه كبيره مثل بيته الثاني بالمحاوره مصلح محترم ويترافع عن بعض الامور فهذا الي اثار استغرابي