نهار السبت موعد حشر لـ السلمان و اسرائيل ( حبيب و صقر ) ...
 

بسم الله الرحمن الرحيم



السلام عليكم ورحمة الله وبركاته



طاروق لـ الشاعر/ حبيب العازمي مع الشاعر/ صقر سليم ...

حبيب العازمي

هلا يا مرحبا عند الحبيل اللي يعدل الميل /:/ و يوفى الكيل بن و هيل و الضيفان يكرمها ..
انا وياك يا صقر البقيلي بين حط و شيل /:/ و يمناك الكريمه قبل لا تقدم لا تقدمها ..

صقر سليم

يدوم الك البقاء في حلة اهل الطيب و التكميل /:/ رجالن لـ العلوم الغانمه تكرب محازمها ..
قضيتنا قويه ما تغلق بين يوم و ليل /:/ لكنك لا تصيح لـ روق و تحذف عمايمها ..

حبيب العازمي

نقول الله يجيب السيل و ندورك بعد السيل /:/ لو ان سليم من ضرب البرد تكبر براطمها ..
مدام الجدي ثابت فـ السماء و اللي يغيب سهيل /:/ عليك الله اكبر تبني القبه و نهدمها ..

صقر سليم

تبيها في سليم ولا لها عن روسكم تحويل /:/ ليا منا قطعنا راسها هانت قوايمها ..
تعرض المسرحيه و العرب ملت من التمثيل /:/ ولا يمكن يؤثر فـ الجزيره غير حاكمها ..

حبيب العازمي

تجمعتوا سريه و انسدحتو في طريق الريل /:/ و عاقلكم يقول اسليم كيف الريل يصدمها ..
نهار السبت موعد حشر لـ السلمان و اسرائيل /:/ مدام ان الاصابع ما عليها الا خواتمها ..

صقر سليم

سليم يعلمونك يالعتيبي محكم التنزيل /:/ و عاقلهم يحكم العلم و الاصنام حطمها ..
تبى تمسح خدودك من دموعك و الدموع تسيل /:/ بعد ثارت عليك القنبله و انتا مصممها ..

حبيب العازمي

صحيح انتم قريتو موجز التوراه و الانجيل /:/ و لهجتكم رطينه و العرب تعرف تترجمها ..
انا ما اقول مد ايديك ياكلك البعير اشعيل /:/ اقول اقصر يدينك عن رقبته لا تخمخمها ..

صقر سليم

لا و الله يا حبيب راحت عيونك كما الدربيل /:/ نقول الوسم ماهو فوقها و تقول واسمها ..
يا راعي اشعيل رده لا يغشك مع جمال عقيل /:/ تبى تبلش بعد راح الشعير اللي يضرمها ..

آتمنى ان يرتقي لـ ذايقتكم ... آخوكم/ بندر المقاطي





الطاروق حصري لـ منتدى الهيلا ...

لاهنت يالقرم




ممكن تفيدنا بتاريخ المحاوره هل هي قريبه جدّا ؟




لاهنت

محاورة قمة بين شعار كبار

لاهنت يالمقاطي على المحاورة

انا ما اقول مد ايديك ياكلك البعير اشعيل /:/ اقول اقصر يدينك عن رقبته لا تخمخمها ..


ههههههههه

والله مدري وين موجّهين
مير عزالله إن الطاروق يمخمخ المخ والمخيخ :)

لاهنت يابندر لاهنت

هلا و غلا يا عبدالله و وجهك ابيض و اذا لقيت المحاوره اللي تجمل من ينقلها بتلقاها هنيا و شرفني مرورك يالغالي ...

هلا و غلا يا رائد ولا تهون و المحاوره طال عمرك في شهر 7 او 8 اللي راح و الظاهر انها فـ الغربيه و شرفني مرورك يالغالي ...

هلا و غلا يالجوارسي ولا تهون و شرفني مرورك يالغالي ..

هلا و غلا يا مهنا الله الله يالبعير اشعيل و شرفني مرورك يالغالي ..

هلا و غلا يا فهد ولا تهون و شرفني مرورك يالغالي ..

هلا و غلا يا ابو فايح هاذي طال عمرك مع المواضيع اللي نزلتها الاربعه و مع الطاروق اللي نزله الاخ متذوق الشعر بـ عنوان ( حبيب العازمي و زبن القاضي ) في حفله وحده في شهر 7 او 8 اللي راح فـ الغربيه بـ حضور ( مستور العصيمي و حبيب العازمي و صقر سليم و زبن القاضي ) و اذا قدرت اجيب لك تاريخ الحفله ان شاء الله تلقى هنيا و شرفني مرورك يالغالي ..

تسلم يمينك يالمقاطي عز الله إنك تختار المحاورات اللي عليها الكلام


والطواريق المميزة


أبو فيصل ماشاءالله عليه داهية ومبدع بكل حالاته وصقر سليم مبدع ومتميز :)

بالنسبة للمحاروة ليست في الغربية بل أقيمت عند الحبيل الحمادي في " عــــرجا "

(على طريق الدوادمي نفي ) لمن لا يعرفها :d

وكانت في بداية شهر 8 وحضرها الشعراء الأربعة الذين ذكرهم الأخ بندر


شكراً لك يابندر :)

طاروق رائع

مشكور

هلا و غلا يا بدوي هذا من ذوقك و عز الله صدقت الحفله كانت في نفي و انا سمعت اسم الجعيد في حفله ثانيه و حسبت ان صاحب الحفل الجعيد لا هنت على التنويه العفو طال عمرك و شرفني مرورك يالغالي ..

هلا و غلا يا محمد و العفو طال عمرك و شرفني مرورك يالغالي ..

هلا و غلا يا السامي ولا تهون و شرفني مرورك يا الغالي ..