سلامي من هاجس ٍ يقدح قديح = ويشب ناره على قدح الشرار
ماودنا بالعلوم الي تسيح = قدام تطلع على شمس النهار

من هاجس مايقول الا الصحيح= يامرحبا في محل اهل الوقار
خل السوالف مع النهج المليح=مالك ومال المعارك والدمار

دام البقى يامعزبنا الفصيح = الله يديم الوفا ياهل الديار
هات السوالف وقلبك مستريح = روٌح زمان البلاجيك القصار

اللي يصيح ولا حوله مطيح=يمد يمناه مايمد اليسار
اللي بقلبه شجاعه يالصريح=يروح الشام ويجيب الحمار

المشاركة الأصلية كتبت بواسطة عبد الكريم العازمي (المشاركة 1239727) فآرس هنآ هلآ بمطول الغيبه :) و صحة السنتكم وكل عآم وأنتم بخير :)

مايختفي ياسعد وجهه القبيح = لو يصبغه بالبياض وبالحمار
مكاسبه كلها هرج ومديح = ومع العرب صنعته لعب القمار

المشاركة الأصلية كتبت بواسطة عبد الكريم العازمي (المشاركة 1239727) فآرس هنآ هلآ بمطول الغيبه :) و صحة السنتكم وكل عآم وأنتم بخير :)

الله يشفيه ابو قلبن جريح=لكن مابين نار وبين غار
يالمورقي موردك عودشحيح=مير ضرب الارض ويطير الغبار

عساه يصبح من البكره ذبيح = ويصير رميه مثل رمي الجمار
وسدودنا يالعتيبي ماتبيح = المورقي قالها لك بختصار

ماهي بعيده عنه جاله فحيح=سالفه ماله ثاني خيار
لبنان خاشرك فى البير النضيح=عشرين مليار في دفن الخمار

عوٌد مثل صاحبه يضبح ضبيح = من يوم شاف الدعاوي في انحدار
ولبنان هذي عساها في قريح = وعسى يجيها مشايخ قندهار

بابن يجي مع عج ومعه ريح=تسكيرته ياطويلين العمار
ريح النفل ماهو مثل ريح شيح=خير البلد لاهلها في كل دار