عد من حج في مكه وزار المدينه=مرحبا من ضميرٍ بالمثايل يفوحي
داخل السوق كاش بكاش ما فيه دينه=قوم يالسيف الاملح كان لك سمع يوحي

المشاركة الأصلية كتبت بواسطة الفالح عد من حج في مكه وزار المدينه=مرحبا من ضميرٍ بالمثايل يفوحي داخل السوق كاش بكاش ما فيه دينه=قوم يالسيف الاملح كان لك سمع يوحي

الله الله

كاش بكاش مافيه دينه
متابع

البقا بالمرحب جعل ربي يعينه = خابرينه كريم ويده ماهي شحوحي
والله اني غني ماسوم غار الثمينه= وانت كانك نصيح ابشر برجل نصوحي

صاحبك لا يحاول في ركوب السفينه=باخرة نوح مخصوصه لتباع نوحي
روح قله بعد راس اصبعه سد عينه=ما حصلك غبوق ولا حصلك صبوحي

صاحبي مايهاب وله عضودٍ متينه=محتمي ماقفه دايم وزنده قدوحي
قلتله ثم قال ان المنيحه سمينه = والغريب احتلبها يوم صارت مسوحي

ما انتم اهل المواقف كلكم يالثنينه=كيف تاصل شبوح قصيرين الشبوحي
الغنايم تقسمها اليدين الامينه=لا تخايل بروقٍ عنك قبله تلوحي

ماتركنا مواقفنا وهرجتك شينه = وابك حنا الاطبا الي نداو الجروحي
صاحبي فرق عنك ومنت والله سنينه= مار اباانصحك هون قدم سدك يبوحي

فعلك اللي تقوله يا ابيض الوجه وينه=ما درت عنك مزحم كلها والطلوحي
ما سمعنا هدير شعيل نسمع حنينه=واضحه ما تبا تفصيل ولا وضوحي

احسبنك منول من رجالن فطينه = واثرك الي علا ماقيل رجال بوحي
وانت غادي يكثر الفرق بينك وبينه= من نطح بالجبل راسه يسمى نطوحي