يا منتدى الهيلآ بعد موت سلطان = جمَع مواضيعك وقفل علاها
وأعلن حدادك عقب موته من الآن = أقسامك إيكفيك منَا ما جاها
أن كان ما سويت هذي على شان = سلطان / ألك ثنتين وأختر حداها
أما ما همك ما بكت منه الأعيان = اللي لها يومين ما جف ماها
ولا وجودك وسط ساحات الأعلان = أداعيةٍ ما تقنع اللي قراها
سلطان موته حرك أشعوب و اوطان = هز الدول بشعوبها و سفراها
أبو يمينٍ كنها غر الأمزان = يمدها ما دور اللي وراها
الله يجازي راع الاحسان بحسان = وأعمال كل الخير يلقى جزاها
الموت حق وموت ذربين الأيمان = يهدم بيوتٍ عامره من عطاها
والشعر لو غنيته أبكل الاوزان = يشيب وفعول الوفا ما حصاها

المشاركة الأصلية كتبت بواسطة عبد الكريم العازمي (المشاركة 1236050) صح لسآنك يا طلآل والله يرحمه ويسكنه فسيح جنآته !!

المشاركة الأصلية كتبت بواسطة حصاااااان الهيلا (المشاركة 1236051) صح لسانك ياناشي والله يرحم ابو خالد ويسكنه الجنه

المشاركة الأصلية كتبت بواسطة حصاااااان الهيلا (المشاركة 1236052) قصدي بابو ناشي هههههه معليش خطأ مطبعي

المشاركة الأصلية كتبت بواسطة صارم عتيبه (المشاركة 1236067) صــــــــــح لسانـــــــــــك يا طـــــــــلال جــــــــــزل ولا هنـــــــــت ودي آآآحتـــــــــــــرآآمــــــــــي

المشاركة الأصلية كتبت بواسطة فيصل المسعودي (المشاركة 1236074) رحم الله فقيد الأمة الإسلامية والوطن العربي سلطان بن عبدالعزيز صح الله لسانك ياطلال مرثية جزلة وتعتبر عربون وفاء لهذا الرمز الشامخ بسيرته التي سوف يخلدها التاريخ على مر العصور ومنتدى الهيلا يشارك الوطن حزنه بهذا المصاب الجلل بتسليط أقلامه النثرية والشعرية في تخليد سيرة أبو خالد رحمه الله فأقلامنا ومشاركاتنا تعبر عن صدق مشاعرنا تجاه الوطن ورموزه تحياتي

المشاركة الأصلية كتبت بواسطة قيس الملوح (المشاركة 1236087) صح لسانك والله يرحم سلطان تقبل مروري