ياشين الحزن من بعد السعاده=وحني الراس من عقب السياده
لاوالله قربت ساعة معمر=وموته ماهو بموتت شهاده
تهاوى صرحه وحكمه تبدد=وهذا اللي له الخلاق اراده
عقب ماكان يزمر ويتحدى=من الطغيان يوم ابليس زاده
تقلبت الدعاوي كلبوها=وبيته قربت حزت هداده
في داخل سرت محشورن ويبغى=منير وضاقت بعينه بلاده
يقول الله يقلعها اسنين=قضيت ابها العمر كله قياده
يبا الفكه ولاش اليوم فكه=ورط في دين مايقدر سداده
تركه طايرات الحلف ركن=شديد ولاتهنا في رقاده
وهو مابين هاذيه وهاذي=مايدري وش صباحه من هجاده
وهذا كلها اسباب التعجرف=وظلم الناس مايبغا شهاده
وربك يمهل المخلوق فتره=ولا يهمل ولا ينسى عباده
ترى فرعون قبلك راح فيها=سبب عتوه وكثرت فساده
تحسب انك تبا تبقى محنط=لابالله يالعقيد انس العقاده
ماتدري بنها دنين ماتصفي=ياكم جبار زحزح عن شداده
تقول الشعب جرذان وعليهم=وردك صار ضد الشعب اباده
وهذولا مسلمينن ماتهنو =لهم اربع عقودن في نكاده
مليت السجن عبيت المزارع=قفل مخك ومارية بلاده
ولاتحكم بشرع الله ظالم=وكلن صار في رجله قياده
سلاحك صار ضربه روس شعبك=ومن صوب مايرسل للعياده
ومن تمسك من الثوار حين=شويته مثل ماتشوى الجراده
عداد اللي توفو فالمعارك=من الخمسين الف اكثر زياده
دمار ونار ونته من سببها=وتجني مازرعته من قراده
تباها تهون مار اليوم كبرت=ومن عاند خسر ما افلح عناده
ولو تجمع قذاذيفك وتنخى=مصير النار تتعود رماده

المشاركة الأصلية كتبت بواسطة غالب الذيابي (المشاركة 1234464) : : : : صح لسانك.. وماتحدثت به قصيدتك الجزلة قد وقع بالفعل.. صح لسانك ياقدير. : : : :

المشاركة الأصلية كتبت بواسطة عناد الشيباني (المشاركة 1234465) الله الله صح الساااااااااانكـ وحدث هذا الكلام

المشاركة الأصلية كتبت بواسطة قيس الملوح (المشاركة 1234479) صح لسانك قصيده واقعيه فعلاً تقبل مروري

المشاركة الأصلية كتبت بواسطة محمد الذيابي (المشاركة 1234509) ,, لا هنت يالغالي. ,,,,,,

المشاركة الأصلية كتبت بواسطة ابو نادر (المشاركة 1234864) صح لسانك وسلم بنانك

المشاركة الأصلية كتبت بواسطة عايض مثقاب الزراقي (المشاركة 1234865) صح لسانك قصيده جزله من شاعر جزل

المشاركة الأصلية كتبت بواسطة المفتش (المشاركة 1235280) صح لسان مقبول الشيباني

المشاركة الأصلية كتبت بواسطة مناحي الفرزه (المشاركة 1236343) مقبول صح السانك واحمد الشيباني ماقصر طلع الجرذي من غرفة الصرف............ الطاغيه معمر ولاحدن في هالدتيا معمر