يا عـِـشْـق تراك ما سوّيت خير = أحـْـرمتني من لذيذ النوم ليــه ؟
ما عاد يمديني أرجع وأستخيـر = من يوم حطـّيت لك قلبي شاليه
والمشكلة دار مدعوج النظير = من دونها البعد محرمني لا اجيه
يا قلب يا ليت لك جنحان طير = وتزور دارٍ عنود الصيد فيــه
ريميّة سنـّـها توّه صغير = لكن أنا أشوفها في قــَـدْر " بـَيـــه "
ما كنـّها غير أميرة بنت أمير = تامر وتـُعطى طلـَـبـْهـا اللي تبيه
من المهابة لها الشيء الكثير = تحـْـمـَـرّ قدّامها بيض الوجيــه
أحبها حبّ منقطع النضير = محبــّة إبن الحلال لوالديـه
إن نـَـزَّلَـت رمشها ما أقول غير: = " أستغـفرُ الله وأتوبُ إليه "
في بالي الأرض تـحـْـتي تستدير = والكون مظـلِم كما جبهة " بليه"
ودّي يسير القدم عيـّـا يسير = كنّ أبيض الثلج محـْطـوطٍ عليــه
بالضبط حالي كمـا حال الأسير = اللي ما تملك ولا حيلة يديه
ومن لامـْـني يعتـبر نفسه " حقير " = وإن ما رِضي يعتبر نفسـه "سفيه"

في بالي الأرض تحْتي تستديـر=والكون مظلِم كما جبهة " بليـه

نزلت رمشها ماقول غير=استغفر الله واتوب اليه

صح لسانك

اكثر من روعه

من حلاتها ما عرفت اختار مقطع

ربي يوفقك ان شاء الله و لا يهينك

اخوك

ولد العربان