سلام الله عليكم من هجوس ٍ قدرها ما مات = و لو غبنا بعد , غيبه طويله يا عباد الله
ترى حنّا ولو غبنا نبا نبقى هل الوقفات = وترى الما ما تغطيّه النثيله يا عباد الله

هلا يامرحبا في مرحبا بك وابرك الحزات=بعد ماجيب يالله في العقيله ياعباد الله
حضورك من مخافة ناس والا من قناعة ذات=مدام الاوله تحسب فشيهل ياعباد الله

هلا يامرحبا رحب الوفا ومن ابرك الحزات= هلا بسمي وعن كل القبيله ياعباد الله
بعدماجيت يانواف لاتحزن على مافات=حضرت وجيت يالله فالعقيله ياعباد الله

يدوم الك البقا ياللي منوّل في زمان ٍ فات = ما تذْكَرَ ضمن فرسان القبيله يا عباد الله
انا لا جيت ما يحتاج ِ لي تعريف ولاّ اثبات = ولااجي من خوف ولاّ قلّ حيله يا عباد الله

وانا مانيب قايل لك شجيع وقايد القوات =ولكن الوعد ظهر الاصيله ياعباد الله
مجيك خابرينه تربس الراعي وشاته جات=وضيف الله ماعشته البخيله ياعباد الله

المشاركة الأصلية كتبت بواسطة مهنـا العتيبي (المشاركة 1227894) نواف الغنامي=مبدع ضيف الله العضياني=فناااااان

المشاركة الأصلية كتبت بواسطة ضيف الله العضياني (المشاركة 1227895) طيب استلم المزمار

ترى لولا حيايه من هل الفعل وهل الفزعات = لضيّق واحد ٍ نفسه ثقيله يا عباد الله
علاك حمول ياللي ما تحسب الوقت و الساعات = و حملك متزن ما فيه ميله يا عباد الله

اثرك اخطر خطر يوم المواجه وافة الافات=ولكن الحياء عندك وسيله مع عباد الله
كلام مر سمعك لدله عينك عشر مرات=ونفس العز لاتصبح ذليله مع عباد الله

ترى حظك ردي لولا الحيا في معظم الاوقات = و ترى ذبحتك ماهي مستحيله يا عباد الله
أشك انّك قريت ابيات لكن ما قريت ابيات = عميل ٍ قد تقاضى من عميله يا عباد الله