استهلي ياهجوسي من الفكر الغزير =لين قلــبان المعاني تفوح بجمهــــا
دام الأرض مكورة في فضاها تستدير=والقلوب النابضة ما تشح بدمهـــا
ما يهس الطيب الأول عن الطيب الأخير=لو تهس الطلقة اللي بلاها بمها
راكب اللي كل ما دق ويله للمسيـــــــر=يشرح النفس الحزينة ويبعد همها
مركب أصحاب اللوازم مع الدرب العسير =كل ما ضاقت افجوج البسيطة خمها
لشتبك رباض وعروق والمطلع خطيـــــر=واستدارو من عجزهم توجه يمهـا
يفتح الطرقة كما يفتح الدرب الأميــــــــر=لين زيزوم المسافات يطوي كمهــا
في مســيره مثل طـيرن توجــه للمطــيــر =مرخين صدره وروس المناكب ضمها
الهدد ما له مع البيد وصف ولا خشير =ولو تحدد نقطة الفــوز شوحــــه زمهــا
من عفيف مسرحينه مع الفجر الأخير =متجـه لهل الحساء والنسيم يشمهـــا
ناصن اللي له معزة وله قدرن كبـيـر =الرفيق اللي فعول الوفاء ملتـمهــا
لو يحول الوقت بيني وبينه والهجير =ماتغير لــو الأيام تدفـق سـمهـــــا
أشهد إنك غير يا منيف لو الناس غير=خوتك دايم رفيعة ولحدن ذمها
خوة الوافين شرواك مسكن مع عبير =ولا تسمع فالنمايم ولا من نمهــا
ايه كفو وزدت عن كلمة الكفو بكثير =لو تسيل فعول الأجواد سيلك طمها
مثل سيل غثاه والنير مع واد الجرير=كلها تنصا لواد الرمة ثم رمها
ياولد زيد النفيعي ترا الدنيا بخيــر=ولا بدا لي حاجتن لو تقلي سمهــا
والله إني ما نصيتك مضام ومستجير=بس اشوش لفزعة الطيب وأذكر عمها

المشاركة الأصلية كتبت بواسطة بناخي الايداء (المشاركة 1227071) يستأهل العميد منيف بن زيد المسعودي النفيعي المدح وصح لسان الغنامي فيصل المسعودي لاهنت على النقل تحيتي

المشاركة الأصلية كتبت بواسطة فهد العازمي العتيبي (المشاركة 1227178) .. صح لسانه الغنامي ويستاهل المسعودي أجزل المدح ولاهنت اخوي فيصل ،،،

المشاركة الأصلية كتبت بواسطة محمد الذيابي (المشاركة 1227201) صح لسان الشاعر والممدوح لاشك انه يستاهل والشكر لك يافيصل على النقل لاهنت يالغالي

المشاركة الأصلية كتبت بواسطة أخو جوزا (المشاركة 1227462) ونعم فيه وفى عياله

المشاركة الأصلية كتبت بواسطة مشاري الحبردي (المشاركة 1228162) صح لسان عقاب ملايين .... واشهد انه ماعد الا الصدق ويستاهل المسعودي

المشاركة الأصلية كتبت بواسطة محمد بن غازي (المشاركة 1228169) يستاهل سعادة العميد/ منيف بن زيد المسعودي فهو ممن أشتهرو بفعل الطيب في القريب والبعيد وهذا ديدنه أطال الله عمره ... صح لسان الشاعر/عقاب الغنامي

المشاركة الأصلية كتبت بواسطة أبن حشيان (المشاركة 1228184) فيصل المسعودي بيض الله وجهك ووجه عقاب الغنامي وصح لسان عقاب والعميد/ منيف ابن زيد المسعودي يستاهل المدح واليشادة به لطيبة اخلاقه وحسن ادارته ومعزته في قلوب الجميع حسب ماسمعت لاني قابلته مره واحدة ولمست منه ذالك وبعد السوال عنه عرفت عنه الكثير من الاخلاق الحميدة والله يوفقه اكرر شكري لك الاخ فيصل المسعودي

المشاركة الأصلية كتبت بواسطة @ـايل (المشاركة 1228291) يستاهل ابو فيصل المدح , ولانستغرب عليه ذلك مادام انت ابنه يابو منيف صح لسان الشاعر الغنامي , .. ..